00:06 18 Мшаԥы 2021
Ишиашоу ицо аефир
  • USD75.55
  • EUR90.46
Аԥсны
Икьаҿу ахьарԥш аиура
8 0 0

Lamborghini Super Trofeo ачемпионат аҿы италиатәи акоманда "Target Racing" апилотк иҳасаб ала Дмитри Ӷәазаа мшаԥымзазы дықәгылоит.

АҞӘА, хәажәкыра 30 – Sputnik, Бадри Есиава. Аԥснытәи аспортсмен, автоеиԥхныҩлара алахәыла Дмитри Ӷәазааи италиатәи акоманда "Target Racing" аилаӡара рыбжьарҵеит. Иара европатәи ачемпионат аҿы Lamborghini ала дықәгылоит. Абри атәы Sputnik иазеиҭеиҳәеит аспортсмен ихаҭа.

"Ари акомандеи сареи ҳабжьара аиқәшаҳаҭра анапаҵаҩра иснаҭоит алшара Lamborghini Super Trofeo ачемпионат аҿы ақәгылара. Зынӡа ачемпионатқәа х-хкык ыҟоуп – европатәи, азиатәи, америкатәи. Сара европатәи салахәхоит, аха аилаӡарала аиааира зго адунеитә чемпионат далахәхар ҟалоит, уи хыркәшаратә етапхоит", - иҳәеит иара.

Аилаӡара анапы аҵаҩын Монзе ақалақь аҿы. Ароуп иахьыҟоу адунеи аҿы иналукааша автодромқәа руак.

Lamborghini Huracan ала Ӷәазаа ари атрасса данысит.

© Foto / Дмитрий Гвазава
Аԥснытәи аспортсмен Дмитри Ӷәазааи италиатәи акомандеи аилаӡара рыбжьарҵеит

"Ҩымштәи атестқәа ирылагӡаны автомашьына санаалара атәы гәасҭеит. Амашьына даара иӷәӷәоуп, аласрагь дууп, амашьына ахымҩаԥгашьа еилыскаит. Избеит апилот изы ари амашьынаҿы ихадоу", - иҳәеит иара.

Италиатәи акоманда анапхгара оумашәа ирбеит Ӷәазаа итесттә қәгылара алҵшәақәа.

Дмитри Ӷәазаа дицықәгылараны дыҟоуп италиатәи аспортсмен қәыԥш Андреа Колои, "Формула-3" уаанӡатәи алахәыла.

Дмитри Ӷәазаа Москва дынхоит, ишиҳәо ала мызкахь ҩынтә Италиаҟа дцалароуп аҽазыҟаҵарақәа рзы ма ақәгыларақәа рзы.

Дмитри Ӷәазаа профессионалтә спортсменуп, автоеиԥхныҩларақәа дрылахәуп 2010 шықәса раахыс. 2018 шықәса абҵарамзазы иара акатегориа PRO иатәу аиԥхныҩларақәа Mitjet 2L рҿы Урыстәыла дачемпионхеит. 2019 шықәсазы Франциаҟа диасит, далахәын акласс GT4 иатәу аицлабрақәа. 2019 шықәсазы Дмитри Ӷәазаа дызлахәыз франциатәи акоманда "Speed Car" атурнир "Шесть часов Ле-Мана" аҿы аиааира агеит.

Ихадоу атемақәа