АҞӘА, хәажәкыра 31 - Sputnik. Аԥсны акриптовалиута арҳареи уи азы ахархәагақәа ралагалареи рзин аанкылоуп 2022 шықәса хәажәкыра 31 рҟынӡа Аминистрцәа реилазаара аӡбарала.
Уаанӡа амаининг-хархәагақәа ралагалара азин ԥкын 2021 шықәса рашәара 1 аҟынӡа, иаанкылан иара убраанӡа акриптовалиута арҳарагьы.
Ԥхынҷкәын 8 рзы Аминистрцәа реилазаара аамҭала Аԥсныҟа амаинингтә хархәагақәа ралагалара азин ааннакылеит 2021 шықәса рашәара 1 аҟынӡа. Аминистрцәа реилазаара иара абри ақәҵарала акриптовалиута аиуразы аусурақәа зегьы ааннакылеит.
Аӡбара рыдкылан Аԥсны афымцаенергетикатә ресурсқәа рхархәара аҭышәныртәаларазы, афымцамч адифицит азгәаҭаны, аҳақәа реидара авариақәа рахь ишкылнаго иазхьаԥшны.
