03:30 07 Лаҵара 2021
Ишиашоу ицо аефир
  • USD74.58
  • EUR89.68
Аԥсны
Икьаҿу ахьарԥш аиура
7 0 0

Жәларбжьаратәи атуристтә форум "Абхазия-страна души 2021" атуризм знапы алаку рзы рԥышәа аимдаразы ицхыраагӡоуп.

АҞӘА, лаҵара 1- Sputnik. Лаҵарамза 12-16 рзы Аԥсны имҩаԥгахоит Жәларбжьаратәи атуристтә форум "Абхазия-страна души 2021". Абри атәы аанацҳауеит Аԥсны атуризм аминистрра апресс-маҵзура.

Афорум атуризм знапы алаку рԥышәа аимдарази, атуристцәа ршәарҭадарази, атәыла иамоу алшарақәа рырҭбаарази ицхыраагӡоуп.

Афорум аҳәаақәа ирҭагӡаны имҩаԥгахоит аԥсшьара иаҵанакуа аобиектқәа рцәыргақәҵа. Асасааирҭақәа рыԥшәмацәа асасцәа ирзеиҭарҳәарц рылшоит аԥсшьаҩцәа ирзалхә атуристтә маршрут ҿыцқәа. Афорум иалнаршоит анаҩстәи аимадаразы апартниорцәа рыԥшаара. Иара убас имҩаԥгахоит астол гьежьқәа, аӡыргарақәа, аилацәажәарақәа.

"Аргументы и факты" аинтервиу азҭаз Аԥсны атуризм аминистр Ҭеимураз Хышба иазгәеиҭеит, аминистрра ԥсшьара иаауа асасцәа аконцепциа ҿыц шрыдыргало.

Афорум иалахәхоит Атәыла ахада Аслан Бжьаниа, Аԥсны иҟоу Урыстәыла ацҳаражәҳәаҩ Алексеи Двинианин, Аԥсны атуризм аминистр Ҭеимураз Хышба, Урыстәылазегьтәи атуристцәа реидгыла анапхгара ахантәаҩы Роман Бобылев, Ростуризм Ауаажәларратә хеилак ахантәаҩы Дмитри Давыденко.

Атуристтә форум аиҿкааҩцәа: Аԥсны атуризм аминистрра, Ростуризм, Аԥсны ахәаахәҭра-ааглыхратә палата, аҭыжьратә ҩны "Аргументы и факты", Урыстәылазегьтәи атуристцәа рхеилак.

Афорум апартниорцәа: атуристтә аоператор "Библио-Глобус", атурфирма "Пегас" и "Travel.ru".

Жәларбжьаратәи аинформациатә маҵзура Sputnik Аԥсны - атуристтә форум "Абхазия-страна души 2021" аинформациатә партниорс иҟоуп.

Иара убас шәаԥхьар ҟалоит:

 

Ихадоу атемақәа