АҞӘА, лаҵара 18 - Sputnik. Аҟәа ақалақь апрокуратура ашьаус хацнаркит лаҵара 18 ахәылбыҽха иҟалаз Қьамал Арӡынба ишьра инамаданы ҳәа аанацҳауеит Аԥсны Апрокуратура хада апресс-маҵзура.
Аусбарҭаҟны иазгәарҭеит ауашьра шыҟалаз асааҭ 17:00 рзеиԥш Аҟәа ақалақь Чачба имҩа аҩны №9 ашҭаҿы ишьақәыргылам амцабџьар ала. Хынтә иреиҵамкәа абџьар ҭырҟьан. Иоуз ахәрақәа изхымгакәа Қьамал Арӡынба иԥсҭазаара далҵит асааҭ 17:40 рзы Ареспубликатә хәышәтәырҭа аԥсеиқәырхарҭа аҟәшаҟны.
Уаанӡа Аԥсны аҩнуҵҟатәи аусқәа рминистрра апресс-маҵзура адырра ҟанаҵахьан ари ацәгьоура Аҟәа ақалақь Имам Шамиль имҩа аҩны №6 аҿы иҟалеит ҳәа.
Ашьаус хацыркуп Аԥсны Ашьаустә закәанеидкыла ахәҭаҷқәа ҩба рыла: "Гәыԥҩык ауаа заанаҵ еицәажәаны ма гәыԥеиҿкаарыла иҟарҵаз ауашьра", "Абџьар, уи ахәҭа хадақәа, аџьаԥҳаны, иԥжәо амаҭәашьарқәа, иԥжәо амаҭәарқәа изакәанымкәа раахәара, ҽаӡәы иҭара, рыҭира, рыҵәахра, рымҩангара ма рныҟәгара".
Ашьаус-оперативтә гәыԥ ацәгьоура ахьыҟала аҭыԥ аҿы имҩаԥнагоит хырԥашьа змам иақәнагоу ауснагӡатәқәа.
Иара убас шәаԥхьар ҟалоит:
-
Қьамал Арӡынба дызшьыз ацәгьоуҩы иаанкыларазы аплан рыларҳәеит
