Акарантинтә маҵзураҿы ирҳәеит Аԥсны калифорниатәи атрипс шаарԥшым

© Sputnik / Томас ТхайцукКлубника
Клубника - Sputnik Аҧсны, 1920, 23.05.2021
Анапаҵаҩра
Россельхознадзор Аладатәи арегионбжьаратә усбарҭа аинспекторцәа аԥснытәи аҵыҵындра апартиаҿы ирбеит мраҭашәаратәи (калифорниатәи) ашәҭтә трипс, лаҵарамза 17 рзы, уи иахҟьаны Урыстәылаҟа алагалара мап ацәыркит.

АҞӘА, лаҵара 23 - Sputnik. Аҵиаақәа ркарантин азы Аԥсны аҳәынҭқарратә инспекциа имҩаԥнагаз агәаҭарақәа рышьҭахь ирҳәеит ареспубликаҿы калифорниатәи атрипс шаарԥшым. Абри атәы арадио Sputnik иазеиҭеиҳәеит амаҵзура аусзуҩ Анзор Вартагаа.

Сбор урожая клубники в Краснодарском крае - Sputnik Аҧсны, 1920, 18.05.2021
Аԥснынтәи аҵыҵындра апартиак Урыстәыла алагалара мап ацәыркит

Агәаҭарақәа ирылагеит аҳәааҟны аҵыҵындра Урыстәылаҟа алагалара мап ацәыркит ҳәа аинформациа анроу ашьҭахь, иҳәеит иара.

"Ҳара лассы-лассы агәаҭарақәа мҩаԥаагоит, иҷыдоу ацәҟьақәа ҳаргылоит,  ареспубликаҿы ашәҭтә трипс ахабаргьы ҳамбацт. Урстәылаҟа иаларгалоз аҵыҵындра апартиа ду аҟны атрипс ахьнанагаз ҳәа  акгьы сызҳәом", - иҳәеит Вартагаа.

Иара иажәақәа рыла, аекспорт ицо атауар аҳәааҿы акарантинтә маҵзура имҩаԥнаго агәаҭарақәа рнаҩс, акарантинтә маҵзура аусзуҩцәа аҵыҵындра ахьаадрыхуа аҭыԥқәа рҟнгьы аус руоит. Вартагаа иазгәеиҭеит адунеи аҿы 5000 хкы атрипсқәа шыҟоу. Калифорниатәи аԥхьа Америка ицәырҵит, Европа ашьҭа рбеит 1983 шықәсазы, 90-тәи ашықәсқәа рзы ашәҟәы иҭагалан Урыстәыла.

Анзор Вартагава - Sputnik Аҧсны, 1920, 21.05.2021
Арадио
Вартагаа еиҭеиҳәеит ашәҭтә трипс ауаҩы иахьынӡаиԥырхагоу, Аԥсны уи аарԥшу иаарԥшыму

Россельхознадзор Аладатәи арегионбжьаратә усбарҭа аинспекторцәа аԥснытәи абаҳчаҵыҵындра апартиаҿы ирбеит мраҭашәаратәи (калифорниатәи) ашәҭтә трипс. Урыстәыла алагалара мап ацәыркит акарантин-фитосанитартә гәаҭара анымҩаԥырга ашьҭахь.

Атауар ырхынҳәын Урыстәыла аҵакыраҿы аҿкра аланамгаларц азы.

Россельхознадзор адыррақәа рыла, Краснодартәи атәылаҿацә аушьҭырҭатә ҭыԥқәа зегьы хылаԥшра рызнауеит Аладатәи арегионбжьаратә усбарҭа. Арҭ аҭыԥқәа рыла Аԥснынтә Урыстәыла иаларгалахьеит зыкапан 187,5 тонна инаӡо 57 партиа абаҳчаҵыҵындра.

Иазԥхьагәаҭоуп аԥснытәи аҵыҵындра зықь тонна инеиҳаны Урыстәылаҟа анашьҭра.

Калифорниатәи атрипс – ихәыҷу маҵоуп, ашәыр аӡы алнацәцәаауеит, игьамаданатәуеит, Аҩада Америка иатәуп.

Ажәабжьқәа зегьы
0