09:56 25 Цәыббра 2021
Ишиашоу ицо аефир
  • USD73.01
  • EUR85.68
Аԥсны
Икьаҿу ахьарԥш аиура
Аҿкычымазара – акоронавирус Аԥсни адунеи аҿи: иалкаау (1455)
13 0 0

Урыстәыла ашәҟәы иҭаргалахьеит жәанызқьҩык рҟынӡа акоронавирус змоу зцәа зтәым аҳәса. Урҭ рыбжьара иҟан ачымазара уадаҩны изхызгазгьы.

АҞӘА, рашәара 26- Sputnik. Урыстәыла Агәабзиарахьчара аминистрра алаҵа "Спутник V" зцәа зтәым рзыҟаҵара иақәшаҳаҭхеит ҳәа аанацҳауеит РИА Новости аусбарҭа ахада Михаил Мурашко иажәақәа шьаҭас иааганы.

"Иахьа аклиникаԥхьатә ҭҵаарақәеи, аклиникаҭҵааратәи, аҭаҩранаҩстә аамҭеи азхьаԥшра рыҭаны аексперттә еилазаара аӡбра рыдыркылеит алаҵа "Гам-КОВИД-Вак" зцәа зтәым рзы ԥкыра амам ҳәа"", - иҳәеит аминистр COVID-19 аҿагылараз координациатә хеилак апрезидиум аилатәараҿы.

Абас ала аҿкычымазара хьанҭаны изҭо зцәа зтәым аҳәса алаҵа рзыҟаҵара алшоит ҳәа иазыԥхьаӡоуп.

Аҵыхәтәантәи адыррақәа рыла Урыстәыла ашәҟәы иҭаргалахьеит жәанызқьҩык рҟынӡа акоронавирус змоу зцәа зтәым аҳәса. Урҭ рыбжьара иҟан ачымазара уадаҩны изхызгазгьы.

Уаанӡа зцәа зтәым аҳәса акоронавирус аҟынтәи алаҵа рзыҟаҵара анацәа реиԥш ииуа ахәыҷқәа рызгьы хра амоуп, избанзар ан лцәеижьҿагылақәа ахәыҷы иоуеит агәыԥҳәыхш анифо ҳәа иҳәеит Гамалеи ихьӡ зху аепидемиологиеи амикробиологиеи Рцентр адиректор Александр Гинцбург.

Акоронавирус аҟынтәи алаҵаҟаҵара мҩаԥысуеит Урыстәыла арегионқәа зегьы рҿы. Атәылаҿы ашәҟәы иҭагалоуп алаҵақәа ԥшьба: "Спутник V", "ЭпиВакКорона", "КовиВак", "Спутник Лайт".

Аԥсны "Спутник V" рзыҟарҵахьеит 3500-ҩык инареиҳаны ареспублика ауааԥсыра.

Атемақәа:
Аҿкычымазара – акоронавирус Аԥсни адунеи аҿи: иалкаау (1455)

Ихадоу атемақәа