Шәача аиҳабыра Аԥсны аҳәааҿы иҟоу агәаранқәа раԥыхра рҽазыршәоит

© Foto / Сочинская таможняГраница Псоу
Граница Псоу - Sputnik Аҧсны, 1920, 21.07.2021
Анапаҵаҩра
Есыҽны аԥсуа-аурыс ҳәаа аушьҭырҭатә ҭыԥ "Адлер" аҿы иахысуеит 50 000-ҩык ауааԥсыреи 10 000 машьынеи. Ари аушьҭырҭатә ҭыԥ алшарақәа акыр иреиҳауп.

АҞӘА, ԥхынгәы 21 - Sputnik. Шәача анапхгара ирыгәҭакуп Урыстәылантә Аԥсныҟа иалало аекскурсиатә автобусқәа рныҟәара аграфик аус адулара, аҳәааҿы агәаран аԥыхразы. Абри атәы Telegram-канал аҿы иҩуеит Шәача ахада Алексеи Копаигородски.

Электробус на станции быстрой заряд возле Киевского вокзала в Москве. - Sputnik Аҧсны, 1920, 21.07.2021
Шәачантәи Аԥсны аҳәааҟынӡа апассаџьырцәа ныҟәыргалоит аекологиатә автобусқәа

Аҭагылазаашьа уадаҩуп асааҭ 06:00 - 09:00 рзы. Усҟан ауп аиҳарак автобусқәа аҳәаа ианахысуа.

Шәача ахадара атранспорти амҩатә ныҟәареи Рдепартамент анапхгара рнапы ианҵоуп Росавтодором рыцырхырааны амҩатә ныҟәара асхема аоптимизациазы ажәалагалақәа разырхиара.

Арахь иаҵанакуеит аинформациатә стендқәа, амҩатә елементқәа, автобусқәа ргәаран иахьазыԥшыша аҭыԥқәа реиҿкаара.

Иазгәаҭоуп аушьҭырҭатә ҭыԥ "Адлер" аҿы асанитартә уадақәеи ашәшьыратә ҭыԥқәеи реизырҳара шаҭаху ауаа амра ицәымгыларц азы.

Уи адагьы Алексеи Копаигородски иҳәеит автомабилтәи ашьаҟатәи аушьҭырҭатә ҭыԥқәа рреконструкциа мацара шакәу апроблема аӡбра алзыршо. Аиҭеиҿкааратә проект нашьҭуп Аҳәынҭекспертизахь.

Ажәабжьқәа зегьы
0