16:49 27 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
67 0 0

Афымцатә станциа маҷ "Бзыԥ" аҿы уажәы атрансформатор ҿыц ақәыргыларазы аусурақәа мҩаԥысуеит.

АҞӘА, нанҳәа 4 - Sputnik. Афымца станциа маҷ "Бзыԥ" аҿы аусурақәа рымҩаԥгаразы Аҟәа ақалақь ахәҭаки, Гагреи Гәдоуҭеи араионқәа лашарада иаанхоит нанҳәа 5 асааҭ 15:00 -18:00 азы. Абри атәы аԥыза-министр Александр Анқәаб имҩаԥигаз аилацәажәараҿы иҳәеит "Амшынеиқәафымцамч" ахада инапынҵақәа назыгӡо Ҭенгьиз Гырџьынба.

Аԥыза-министр ихаҭыԥуаҩ, аекономика аминистр Кристина Озган дызлахәыз аилацәажәараҿы ирзааҭгылан  ареспублика фымцалашарала аиқәыршәара, афымцаҳақәа рҟны аиҭашьақәыргыларатә усурақәа рызҵаарақәа.

Афымца сстанциа маҷ "Бзыԥ" аҿы ахархәара иаларгатәуп атрансформатор ҿыц, Очамчыра араион аҿы ҭыԥқәак рҿы ацәаҳәақәа ахьлеиз азы изгәылсуа абнара рыцқьатәуп.

Аԥыза-министр иҳәеит иазыԥхьагәаҭо аусурақәа рзы араионқәа рхадацәа адырра шрыҭалатәу, аиҳаракгьы Гагра араион аҿы, акурорттә сезон аҷыдарақәа азыԥхьагәаҭаны.

"Бзыԥ" аиҭашьақәыргылара мҩаԥысуеит 2020-2022 шықәсазтәи Аинвестпрограммеи Аԥсны аенергетика аҿиараз апрограммеи рҳәаақәа ирҭагӡаны.

Астанциа маҷ аҟны имҩаԥырго аусурақәа 543,9 миллион мааҭ рҟынӡа итәоит.

Уаанӡа ара иқәдыргылахьан атрансформатор 125 мегаватт иҟаз, 145 миллион мааҭ иаԥсаз – атрансформатор 63 мегаватт иҟаз аҭыԥан.

Иара убас шәаԥхьар ҟалоит:

Ихадоу атемақәа