01:34 28 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
26 0 0

Аслан Бжьаниа мышқәак раԥхьа Москва усутә ныҟәарыла даныҟаз РБК Плюс ажурналист Викториа Гилварг лызҵаарақәа рҭак ҟаиҵеит.

АҞӘА, нанҳәа 8 - Sputnik. Аԥсуа закәанԥҵара еиҭаркуеит урыстәылатәи аинвестор итәылаҿы имоу аԥыжәарақәа реиԥш Аԥсынгьы иоуларц азы, абри атәы Аԥсны ахада Аслан Бжьаниа иҳәеит РБК Плюс аинтервиу анеиҭоз.

"Ҳара ҳзакәанԥҵара ҳаԥсахуеит Аԥсны аекономика аԥара алазгало урыстәылатәи аинвестор Урыстәыла имоу аԥыжәарақәа иоуларц аҟаҵаразы", - ҳәа азгәеиҭеит Бжьаниа. 

Иара иажәақәа рыла, аҵыхәтәантәи аамҭазы аинвесторцәа Аԥсны еиҳа иазҿлымҳахо иалагеит атуристтә усхк аҟны мацара акәым, ақыҭанхамҩаҿгьы, еиҳаракгьы асубтропикатә культурақәа рааӡараҿы.

Бжьаниа иара убасгьы иҳәеит Марокко ацитрустә шәырқәа ааӡаны Урыстәыла иалазгало жәларбжьаратәи аилахәыреи Аԥсни аиқәшаҳаҭра рыбжьарҵарц ргәы ишҭоу. 

Аԥсны ахада иара убас иҳәеит хаҭалатәи анаплакраҿы аԥырхагақәа раԥыхра ишаҿу, аҳәынҭқарра аганахьала анапхгара еиҳа арԥсыҽра ргәы ишҭоу. 

Бжьаниа инаҵшьны иазгәеиҭеит сынтәа аԥсшьаҩцәа рхыԥхьаӡара ишацлаз, уи азы Аԥсны иманшәалоу аҭагылазаашьақәа раԥҵара ишашьҭоу. Иара иажәақәа рыла, иааиуа шықәсқәак рыҩнуҵҟа урыстәылатәи агани ҳареи ҳусеицура иалҵшәаны аҳәааҿы агәаранқәа маҷхартә аҟаҵара рылдыршар шакәу. 

Атуристтә усхк аҿиара иаԥырхагоу ҳәа ииԥхьаӡо Урыстәылеи Аԥсни амшынтәи аҳаиртәи еимадарақәа ахьрыбжьам ауп иҳәеит Бжьаниа. Иара иазгәеиҭеит арҭ азҵаарақәа Урыстәыла ахадараҿы ишрылацәажәахьоу, атәыла ахада Владимир Путин изыхәҭоу аусбарҭақәа адҵақәа шриҭахьоу. 

Иара убас шәаԥхьар ҟалоит:

Ихадоу атемақәа