Аҳәааҿы иаанкылаз ахаҵа ахараԥса ду иқәҵоуп атәылауаҩшәҟә ԥаршеи ахьимаз азы

CC0 / / Судебный молоток и весы правосудия
Судебный молоток и весы правосудия - Sputnik Аҧсны, 1920, 13.08.2021
Анапаҵаҩра
Ахаҵа аушьҭырҭатә ҭыԥ "Адлер" аҿы даанкылан Урыстәылантә Аԥсныҟа даналалоз. Иара документк аҳасаб ала ицәыригеит Ареспублика Беларусь атәылауаҩшәҟәы ԥаршеи.
АҞӘА, нанҳәа 13 - Sputnik. Ахалаҟаҵаратә тәылауаҩшәҟә ала аҳәаа ахысра зҽазызшәоз даанкылоуп, Адлертәи араионтә ӡбарҭа аӡбарала ахараԥса ду иқәҵоуп. Абри атәы аанацҳауеит Урыстәыла АШәМ Краснодартәи атәылаҿацә Аҳәаахьчаратә усбарҭа апресс-маҵзура.
Ахаҵа аушьҭырҭатә ҭыԥ "Адлер" аҿы даанкылан Урыстәылантә Аԥсныҟа даналалоз. Иара документк аҳасаб ала ицәыригеит Ареспублика Беларусь атәылауаҩшәҟәы ԥаршеи.
Аекспертцәа ишьақәдыргылеит адокумент асканери аԥшшәы змоу апринтери рыла ишыҟаҵаз.
Закәаншьаҭада аҳәынҭқарратә ҳәаа иахысуа азинеилагаҩ 200 нызқь мааҭ ахараԥса иқәырҵоит, ма ҩышықәса рҟынӡа мчылатәи аусура идырҵоит, ма иара убри аамҭала ҭакрала ихиргароуп "Урыстәыла аҳәынҭқарратә ҳәаа ахаҭара шьақәзыргыло адокумент иашақәа рыда ахысраз аҽазышәараз" азакәан инақәыршәаны.
Ажәабжьқәа зегьы
0