02:18 28 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
28 0 0

Аԥсшьара згәы иҭоу рзы амаҵзура OneTwoTrip аҭҵаарақәа мҩаԥнагеит, урыстәылауаа апандемиа аамҭазы иарбан тәылақәоу аԥсшьараз иалырхуа аилкаараз.

АҞӘА, нанҳәа 15 - Sputnik. Урыстәылатәи аԥсшьаҩцәа 13% Аԥсны аԥсшьара алархит, апандемиа ҟалаанӡа арахь аара зынӡа гәҭакыс измамыз, аҳәоит амаҵзура OneTwoTrip иҟанаҵаз аҭҵаарақәа, абри атәы ыҟоуп RT аиҿкаараҿы.

Маҷк инеиҳаны 15% иалархит Ҭырқәтәыла. Танзаниеи Занзибари раԥхьаӡа акәны ацара алзхыз ҟалеит 12%, Куба - 9%, даҽа 6% ирҳәит Ермантәыла шалырхуа.

Урыстәыла аҩнуҵаҟа апандемиа аамҭаз аԥсшьара алзхуагьы рацәаҩуп.

Аҭҵаарақәа мҩаԥызгоз иазгәарҭеит, 69% урыстәыла ауаасыра аԥсшьараз иҿыцу ахырхарҭа шалырхуа.

Краснодартәи атәылаҿацә ақалақьқәа ирҭааит 11,8% аԥсшьаҩцәа. Ҟрым раԥхьаӡа акәны иаҭааит 10,6%, Калинингради Балтикатәи аԥсшьарҭа ҭыԥқәеи - 9,6%́.

Даӷьысҭан, еиҳарак Дербенти Махачкалеи ирҭааит 8,7%, Карелиа - 5%, Алтаи - 4,6%, Санкт-Петербурги уи акәша-мыкәшеи - 4,3%.

Ҭаҭарсҭани Москвеи изызҵааз рхыԥхьаӡарҿ раԥхьаӡа акәны иаҭааит 3%. Аладатәи Новгороди уи аҵакыреи - 2,5%, Ставрапольтәи атәылаҿацә, еиҳарак Кавказтәи аӡҵәыҵәқәа - 2.1%.

Иааидкыланы аҭҵаарақәа мҩаԥызгоз 3500-ҩык иразҵааит.

 

Ихадоу атемақәа