16:39 27 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
115 0 0

Урыстәылатәи ақалақь Улиановск аҿы 2019 шықәса раахыс имҩаԥысуеит стрит-арт афестиваль "Контур". Иара азырхоуп адәынтәи аҟазара арҿиара.

АҞӘА, нанҳәа 24 – Sputnik, Асмаҭ Ҵәыџьԥҳа. Аԥснытәи стрит-арт сахьаҭыхыҩ Кадыр Тәанба афестиваль "Контур" иҽалаирхәит. Абри атәы аанацҳауеит афонд "Ульяновск – акультура аҳҭнықалақь" апресс-центр.

Кадир Тванба
© Фото : предоставлено Кадиром Тванба

Афестиваль иатема хаданы иҟан аекологиеи акультуратә коди. Тәанба иҭыхымҭа аҩычеит Стасов имҩаҿы игылоу аҩнқәа руак. Иара иҭихит иҳашҳатәрахаз аммонит амыдаӷьцәа, ашәҭ ҟаԥшь, адинозавр.

Афонд "Ульяновск – акультура аҳҭнықалақь" апресс-центр аинтервиу аҭо асахьаҭыхыҩ еиҭеиҳәеит аԥшшәы рацәа бзиа ишибо, урҭ рхархәарала Аԥсны акультура, ашәақәа, акәашарақәа шааирԥшуа.

"Убри азоуп амурал "Контур" азы ишашаӡа изыҟоу. Гәахәарыла аус зуан. Адәнытә ҟазара еснагь ахәаԥшҩы еиҳа имарианы даԥшаауеит, ауаа еиҳа ирзааигәоуп, сԥышәалагьы издыруеит ақәҿыҭра еиҳа ишамоу", - ҳәа иҳәеит Кадыр Тәанба.

  • Аԥснытәи асахьаҭыхыҩ Улиановск ақалақь аҩны аҭӡы иҩычеит
    © Foto / стрит-арт фестиваль "Контур"
  • Аԥснытәи асахьаҭыхыҩ Улиановск ақалақь аҩны аҭӡы иҩычеит
    © Foto / стрит-арт фестиваль "Контур"
1 / 2
© Foto / стрит-арт фестиваль "Контур"
Аԥснытәи асахьаҭыхыҩ Улиановск ақалақь аҩны аҭӡы иҩычеит

Еилкаахеит асеиԥш аҩны арԥшӡара аԥшьгаҩцәас иаиуз иара уа инхо ауаа шракәыз.

"Иџьоушьартә иҟоуп ара иатәым асахьаҭыхыҩ ҳара ҳзы акрызҵазкуа аҭыԥқәеи ҳҭоурыхи аҵанӡа иахьеиликааз. Иара ихаҭа иакәзаргьы ҳгәы хикит. Дуаҩы лашоуп. Убасеиԥш даҳгәаԥхеит улиановаа ҳашьхымзақәа рҟынтә ацха ҳамҭас иаҳҭоит", - ҳәа лҳәеит аҩнаҿы анапхгара иалахәу Елена Фаллеева.

Афестиваль "Контур" апроект агрант аманы 2019 шықәса раахыс имҩаԥысуеит. Иара азырхоуп адәынтәи аҟазара. Сынтәа аграффити авторцәас иҟан Улиановск, Санкт-Петербург, Ижевск, Аҟәа рҟынтәи асахьаҭыхыҩцәа.

Кадыр Тәанба – асахьаҭыхыҩ қәыԥш, аԥсуа мҳаџьырқәа рхылҵшьҭра, ҭырқәтәылатәи Диузџье аҟынтә Аԥсныҟа диасит 2017 шықәсазы. Аԥснытәи аҳәынҭқарратә университет аҿы иара аграфикатә дизаин атәы иҵеит, ансамбль "Кавказ" ахкынагӡаҩцәа дреиуоуп.

Аԥсны деицырдыруеит Аҟәеи Гәдоуҭеи рҟны аҩнқәа рҩычарала. Аиҳарак теманы имоу амҳаџьырреи аԥсуа культуреи роуп.

Sputnik аинтервиу анеиҭоз иҳәеит адәнытә ҟазара аинтерес шикыз даныстудентыз. Берлинтәи арт-проект "Street Art Berlin" аҿы иара ирыдигалеит амҳаџьырра атемала аусумҭа – амилаҭ цәамаҭәа зшәу аҭыԥҳа лсахьа.

Ихадоу атемақәа