15:37 27 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
8 0 0

Ацхыраара ласы амашьынақәа ҳамҭас Аԥсны иаиут Аслан Бжьаниеи Урыстәылатәи аҳәынҭқарратә дума адепутат Адам Делимханови реицәажәара ашьҭахь.

АҞӘА, цәыббра 5 – Sputnik. Аԥсны агәабзиарахьчара аминистрра ацхыраара ласы амашьынақәа ҩба ҳамҭас иаиуит Чечентәылатәи ареспублика аҟынтәи. Абри атәы аанацҳауеит аусбарҭа апресс-маҵзура.

Амашьынақәа Аԥсны агәабзиарахьчара аминистр Едуард Быҭәба ииҭеит Краснодартәи атәылаҿацә аҟны Чечентәыла ахаҭарнакс иҟоу Саид-Хусеин Хамзатов аԥсуа-аурыс ҳәааҟны, асабша цәыббра 4 азы.

Хамзатов иазгәеиҭеит, амашьынақәа Апсны хамҭас ишарҭаз Чечентәыла ахада Рамзан Кадыров идҵалеи Чечентәыла раԥхьатәи ахада Аҳмат-Хаджи  Кадыров ихьӡ зху ауаажәларратә фонд апрезидент Аимани Кадырови.

"Хара ҳаимаздуа ажәытәӡатәи ҳқьабзқәеи, ҳаҩызареи, ҳаиашьареи роуп", - ҳәа азгәеиҭеит Хамзатов.

Агәабзиарахьчара аминистр Едуард Быҭәба ҭабуп ҳәа реиҳәеит иҟарҵаз адгыларазы.

"Иҭабуп ҳәа шәасҳәоит иҟашәҵаз ацхырааразы, иахьа иуадаҩу аамҭаз Урыстәылеи егьырҭ адунеи атәылақәеи рыҟны аҿкчымазара иамҽхакны ианамоу, шәара шәҳавагылеит", - иҳәеит Едуад Быҭәба.

 Ацхыраара лас азы амашьынақәа рыҭахоит ареспублика ахәшәтәырҭатә усбарҭақәа. 

Ихадоу атемақәа