00:42 28 Цәыббра 2021
Ишиашоу ицо аефир
  • USD72.66
  • EUR85.04
Аԥсны
Икьаҿу ахьарԥш аиура
16 0 0

Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 26030-ҩык рҟынӡа инаӡеит, ргәы бзиахахьеит 21780-ҩык ауааԥсыра, рыԥсҭазаара иалҵит 391-ҩык.

АҞӘА, цәыббра 11 – Sputnik, Бадраҟ Аҩӡба. Ашколхәыҷқәа рыбжьара COVID-19 аҟазаара иацло иубом ҳәа иҳәеит ареспублика агәабзиарахьчара аминистр Едуард Быҭәба Аминитсрцәа реилазаара аилатәараҿы.

"Ҳареи ҳсанитар-епидемиологиатә маҵзурақәеи ари хылаԥшра аҳҭоит. Акызаҵәык аҭаацәа ҳрыҳәоит ахәыҷқәа ашкол ахь ианнаргои ианыргои рҽеизырымкларц", - ҳәа иҳәеит иара.

Аминистр иара убасгьы иазгәеиҭеит Гәдоуҭатәи аковид-госпиталь аҿы адизельтә генератор шаҭаху, аӡынтәи аамҭа азыԥхьагәаҭаны.

Едуард Быҭәба далацәажәеит Гәдоуҭатәи агоспиталь дшаҭааз, уа иҟоу акомпиутертә томограф аштаттә режим ала аус шауа.

Аԥыза-министр Александр Анқәаб иҳәеит иааиуа амчыбжь азы Акоординациатә штаб аилатәара мҩаԥысраны ишыҟоу, ишрылацәажәо араионқәа рыҟны аус зуа алабораториақәа русура, иара убасгьы ашколқәа рҿы аҭагылазаашьа. Ашколхәыҷқәа рыбжьара COVID-19 аҟазаара иацло иубом, иҳәеит аԥыза-министр.

Иара убас шәаԥхьар ҟалгоит:

Ихадоу атемақәа