Аԥсны

Амҳаџьырқәа ирхылҵшьҭроу Енгьын Ебжьноу арадио Sputnik Аԥсны аефир аҿы еиҭеиҳәеит Аԥсныҟа нхара ҳәа иаара шыҟалаз, насгьы ҳџьынџьуаа рыԥсадгьыл ахь рырхынҳәра амҩа шибо атәы.

Лаҵара 20 рзы амилициа аусзуҩцәа амаршруттә таксиқәеи ауаажәларратә транспорти рныҟәцаҩцәеи иара убасгьы апассаџьырцәеи ирыҿцәажәеит. Ихадароу дҵаны иҟоу асанитартә нормақәа рықәныҟәароуп.

Аԥсуаҭҵааратә институт аиҳабы Арда Ашәба арадио Sputnik аефир аҟны иазгәеиҭеит Кавказтәи аибашьраан иҭахази, зыԥсадгьыл мчыла иаҟәыгази ргәалашәара амш адагьы, аибабара агәыӷра мшы Аԥсны амҩаԥгара аԥшьгатәуп ҳәа шиԥхьаӡо.

Лаҵара 15 рзы Аҟәатәи аҿкчымазаратә хәышәтәырҭахь инеиит акоронавирус здырбалаз хҩык апациентцәа. Урҭ ирныруаз амедусзуҩцәа акарантин ахь инашьҭуп.

Лаҵара 21 рзы Аԥсны иазгәарҭоит Кавказтәи аибашьраан иҭахази ашьхарыуа жәларқәа мчылатәи рхырҵәара иалаӡызи ргәалашәара амш.

Амҳаџьырқәа ргәалашәара амш инамаданы, ажурналист Сырма Ашәԥҳа дазааҭгылоит ҳажәлар рыхәҭа дук ахьықәынҵәаз Қьефқьен дызлаԥшыз угәы ҭызшьаауа ахҭысқәа ртәы.

Аԥсны Аҭагылазаашьа ҷыдақәа рминистр Лев Кәыҵниа иусдҵала акурсантцәа гәыԥ-гәыԥла ихынҳәуеит.

Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа арадио Sputnik Аԥсны арубрика "Жәлар рдоуҳа" аҟны еиҭалҳәеит акоронавирус иахҟьаны Аԥсны иаԥҵоу аԥкрақәа ицәырыргаз ажәытә жәабжьқәа ртәы.

Аԥсны аҳәынҭқарратә еилакқәа рхадацәа рыҟаҵаразы аусдҵа анапы аҵаҩуп лаҵара 20 рзы.

Ауааԥсыра акоронавирус рацәыхьчаразы аоперативтә штаб адыррақәа рыла, апандемиа рыларҳәеижьҭеи Аԥсны иахьаҵанакуа 25-ҩык акоронавирус рыхьхьеит.

Тҟәарчал араион ақыҭа Тҟәарчал анхаҩы Цим Аргәын арадио Sputnik арубрика "Раионк аԥсҭазаараҟынтә" аҿы еиҭеиҳәеит ашьхаҟа ацара иара изы ҵакыс иамоу.

Аԥыза-министр ихаҭыԥуаҩ, аекономика аминистр Кристина Озганԥҳа лаҵара 20 рзы Астатистиказы аҳәынҭқарратә еилакы ахантәаҩы Кама Гогьиаԥҳа длыдылкылеит.

Аҟәа, Ажәанба имҩа №9, Урыстәыла аҳәаанырцәтә тәылауаҩшәҟәқәа ахьрырҭои атәылауаҩра ахьроуеи аконсультациатә пункт аҿы ауаа агәаран иқәгылоуп, аха аҩаша, ахаша уи маҷк еиҵахеит.

Аԥсны ахада иусԥҟа инақәыршәаны Гәдоуҭа араион ахада инапынҵақәа рынагӡараҩыс даҭоуп Баграт Боџьгәуа. Уи аҭыԥ аҿы иара диԥсахит Руслан Ладариа. Баграт Боџьгәуа 2005 шықәса раахыс Гәдоуҭа араион ахадара асоциалтә еиқәыршәара аҟәша аиҳабыс аус иуан.

Апандемиа аамҭазы асасааирҭақәа рҿы аҭыԥҿаҵарақәа мҩаԥысуеит онлаин-режим ала, урҭ реиҳарак заанаҵтәи аԥарашәара азԥхьагәарҭом.

Ашьаусҭҵаара фигурантс иазыҟалаз амилиционер аамҭала абаандаҩцәа раанкыларҭаҟны алеитенант еиҳабы ичын имоуп.

Апоет, адраматург Валери Касланӡиа арадио Sputnik Аԥсны иаиҭаз аинтервиу аҿы иҳәеит Рауль Лашәриа поетк иаҳасабала ибжьы егьырҭ аԥсуа поетцәа ишрыламҩашьоз.

Аахыҵ Уаԥстәыла иахьаҵанакуа аҳәынҭқарратә бираҟқәа лашьҭуп, Зартәи амҩаҿы аҭынч уааԥсыра ахьындырҵәаз аҭыԥ аҿы игылоу абаҟа аҿаԥхьа ашәҭшьыҵәрақәа шьҭарҵоит, имҩаԥгахоит амитинг.

Аԥсуа поет, аиҭагаҩ, апублицист, "Ахьӡ-аԥша" аорден ахԥатәи аҩаӡара занашьоу Рауль Лашәриа диижьҭеи 75 шықәса ҵит. Уи ихаҭара, ибаҩхатәра, иҟазшьа аҷыдарақәа ртәы дазааҭгылоит алитератураҭҵааҩы, Рауль Лашәриа дааигәаны дыздыруаз, акыр шықәса аус ицзухьаз Руслан Қапба.

Мшаԥымза аахыс Аԥсны иахьаҵанакуа акоронавирустә инфекциа рыхьхьеит ҳәа ишьақәыргылоуп 25-ҩык ҳтәылауаа.