ConIFA-2019 аегида иаҵанакуа ашьапылампыл азы Европа ачемпионат аҟны Аԥсны акомандеи Чамериа акомандеи рыхәмарра мҩаԥысит Степанакерт рашәара 8 рзы.

Аԥсны асасааирҭақәа рнапхгаҩцәа ргильдиа ахада Асҭамыр Ахба арадио Sputnik Аԥсны аефир аҟны дазааҭгылеит алхрақәеи атуристтә сезони реиҿыбаара азҵаара. Иалшома урҭ еиваргыланы рымҩаԥгара, ҵакыс иамоузеи ҳҳәынҭқарразы атуризм, насгьы аполитика уи иаԥырхагахар алшома?

Гагра араионтә еизара аиҳабы Асҭан Агрба арадио Sputnik Аԥсны аефир аҟны дазааҭгылеит алхрақәеи атуристтә сезони реиҿыбаара азҵаара. Иалшома урҭ еиваргыланы рымҩаԥгара, ҵакыс иамоузеи ҳҳәынҭқарразы атуризм, насгьы аполитика уи иаԥырхагахар алшома?

Архитектор Иван Бегич XX ашәышықәса алагамҭазы иргылаз ахыбрақәеи урҭ иахьатәи рҭагылазаашьеи атәы шәаԥхьа Sputnik аматериал аҟны.

Рашәара 8, ахәашаҽны, Оҭҳара ақыҭан инхо ԥшьы-ҭӡык имҩаԥыргеит аҳәсеи ахәыҷқәеи злахәыз аԥхын алԥха ҳәа хьӡыс измоу Амра аныҳәа. Уи амҩаԥысшьа атәы ҳадылгалоит Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа.

25 шықәса раԥхьа Аԥсны иалцаз ақырҭцәа рынхарҭақәа рырхынҳәра азҵаара аусӡбарҭақәа рҟны ахәаԥшра ахьынӡаиашоу атәы далацәажәеит арадио Sputnik Аԥсны ефир аҟны Ауаажәларратә палата амаӡаныҟәгаҩ лхаҭыԥуаҩ Даниил Убириа.

Амҳаџьырра Аԥснынтәи иагаз ҳхылҵшьҭрақәа рахьтә зықəрахь инеихьоу абыргцəа есымша рылаԥш хаа ҳхын, иаҳхуп иахьагьы. Убас, згәыбылра есымша иҳаду, зажəа акрыԥхылнадоз иреиуаз Ҭалиаҭ Аҭрышба Аԥсны дааны даныҟаз Сырма Ашәԥҳа илеиҳәаз ажәа ҟәышқәа, ажәа мҩақәҵагақәа, иԥсадгьыл азы имаз агәҭахәыцрақәа шәыдылгалоит лматериал аҟны.

Асоциалтә иашареи аҭынчреи рзы Аԥсны анацәа рхеилак ахантәаҩы Гәыли Кьычԥҳа арадио Sputnik Аԥсны астудиа даҭан лиубилеи амш аҽны.

Аԥсныи Урыстәылеи Реиҳабырақәа рыбжьара Аилахәаахәҭшьазы аиқәшаҳаҭрахь аиҭакрақәа ралагаразы аԥкаанҵа рнапы аҵарҩит ахәаша, рашәара 7 рзы Петербургтәи Жәларбжьаратәи аекономикатә форум аҳәаақәа ирҭагӡаны.

Очамчыра араион Аҵара аҟәша аиҳабы Феликс Џьынџьиа арадио Sputnik Аԥсны аефир аҟны еиҭеиҳәеит Очамчыра ақалақь аҟны ахәыҷбаҳчақәа рзы аҭагылазаашьа зеиԥшроу.

ConIFA-2019 аегида иаҵанакуа Европа ачемпионат аҟны ахԥатәи аҭыԥ аанкыларазы Аԥсныи Чамериеи рыхәмарра мҩаԥысуеит рашәара 8 асааҭ 17:30 азы Степанакерт ақалақь аҟны.

FCF-MMA аверсиала Напышьашәала аиқәԥаразы Адунеи ачемпионат мҩаԥысуеит Кисловодск рашәара 22-23 рзы.

Аԥсны Ашьапылампыл афедерациа апресс-маӡаныҟәгаҩ Алхас Манаргиа арадио Sputnik аефир аҟны аԥсуа командеи Мраҭашәаратәи Ермантәыла ашьапылампыласцәеи реиқәшәара ахҳәаа азиуит.

Аԥсны аҵакырадгьыл аҿы арацәаӡритә аӡа аҵхра азҵаарақәа рзы акомиссиа аԥҵан Апарламент аҟны хәажәкыра 20, 2019 шықәсазы.

Ауаажәларратә палата алахәыла Низам Хапат Аҟәа имҩаԥгаз аилатәараҟны иазгәеиҭеит анхарҭа аганахьала иҟоу ауадаҩрақәа зыхҟьо зегь раԥхьа иргыланы амаҵурауаа азакәан инақәыршаны акәымкәа русурҭа ҭыԥқәа рхатә ҭахрақәа рынагӡаразы аус ахьыруа шакәу.

RT, МИА "Россия сегодня" аредактор хада Маргарита Симониан ахәышәтәырҭа дҭашәеит рашәара 6 рзы "Эхо Москвы" аҟны Москватәи ақалақьтә думахь акандидат Лиубовь Соболи лареи рыбжьара иҟалаз ахҭыс ашьҭахь.

Аахыҵ Уаԥстәыла Апарламент ахь алхрақәа ҟалоит рашәара 9 рзы. Урҭ 15 шықәса рыҩнуҵҟа раԥхьаӡа акәны амажоритар-еизышаратә системала имҩаԥыргоит.

Маргарита Симониан "Эхо Москвы" дзықәшәаз ахҭыс атәы лҩит лхатәы Telegram-канал аҟны.

"Аԥсуа фольклор аизгаразы азҵааранҵа" захьӡу ашәҟә ҿыц аӡыргара мҩаԥысит Нарҭдырреи адәынтәи афольклорҭҵаареи рцентр аҿы рашәара 6 рзы.

Ҭхьынатәи абжьаратә школ адиректор Лариса Габуниаԥҳа арадио Sputnik аефир аҟны еиҭалҳәеит рқыҭаҟны ашкол ҿыц аргылара шцо.