Аԥсны Аминистрцәа Реилазаара уаанӡа ишьақәнаргылеит нанҳәа 14, 1992 шықәса рҟынӡа Аԥсны Аҵәахбанк алагаламҭақәа алазҵаз рԥара зыздырхынҳәуа аҭаҩра иахысыз ауааԥсыра ркатегориа.

Аԥшьаша, лаҵара 2 рзы Рауль Ҳаџьымба Аҟәатәи аҩбатәи ашкол амцакра ахҟьаԥҟьақәа раԥыхразы имҩаԥигаз аилатәараҿы Апрокуратура хада дҵас иеиҭеит ари ахҭыс иақәнагоу агәаҭара мҩаԥнагарц азы.

Аԥсны Атәылахьчара аминистр актәи ихаҭыԥуаҩ Беслан Ҵәыџьба арадио Sputnik аефир аҿы еиҭеиҳәеит Аиааира Ду амш азы Аҟәа аныҳәатә парад шеиҿкаахо атәы.

Армавир ақалақь аҟны имҩаԥысуан "Адинхаҵаратә радикализми аекстремизми апрофилактика Нхыҵ Кавказ амҩаԥгара" захьӡыз аҭҵаарадырратә форум. Уи иалҵшәаны мшаԥы 29 рзы Аԥсны аԥсылманцәа иаку рдоуҳатә усбарҭеи Адыгееи Краснодартәи атәылаҿацәи Рдоуҳатә усбарҭеи аусеицуразы аиқәшаҳаҭра рнапы аҵарҩит.

Аԥсны Аҵареи аҭҵаарадырреи рминистр Адгәыр Какоба ҷыдала арадио Sputnik иеиҭаз аинтервиу аҿы иҳәеит сынтәа аолимпиадақәа рҿы аиааира згаз ашколхәыҷқәа аԥышәарақәа шарымҭо.

Урыстәыла ауаҩытәыҩса изинқәа рзы азинмчы змоу Татиана Москалькова апортал РИА Новости Украина ахада Кирилл Вышински иус иеиԥшу адунеижәларбжьаратә зин аганахьала аиԥш зеиԥшу уԥылом ҳәа аҳәамҭа ҟалҵеит.

Катар Адәныҟатәи аусқәа рминистрра адырра ҟанаҵеит ЕААи "Талибани" рделегациақәа реиԥылара ахԥатәи араунд Доха ишымҩаԥысуа.

МИА "Россия сегодня", RT редактор хада Маргарита Симониан уаанӡа ажәалагала ҟалҵахьан лаҵара 15 рзы акьыԥхь ахақәиҭра Адунеизегьтәи Амш аҽны Москва иҟоу Украина Ацҳаражәҳәарҭа аҿаԥхьа ажәа ахақәиҭра иалацәажәазарц.

Аԥснытәи аҵараиурҭақәа рҿы аҭыԥ зоухьоу амцакрақәа еиҳарак мзызны ирымоу аелектротехникоуп иҳәеит Аԥсны Аҭагылазаашьа ҷыдақәа рминистрра аҳәынҭқарратә амцарцәаратә хылаԥшра аусбарҭа аиҳабы Иракли Елбакиев.

Аџьынџьтәылатә еибашьра Дуӡӡаҟны Аиааира амш иазкыз аҳәеилышьразы атурнир мҩаԥысуан Шәача, мшаԥы 26 - 30 рзы.