Ажурналист Бадраҟ Аҩӡба еиҭеиҳәеит арадио Sputnik аҟны атакси арныҟәцаҩцәа апатенттә системала ашәахтә ашәара изақәшаҳаҭым.

Азауад "Уралхим" аҟны аремонттә усурақәа анымҩаԥыргоз аамҭаз иҟалаз аԥжәара иахҟьаны хҩык ауаа ҭахеит.

Аҭоурыхтә ҭҵаарадыррақәа ркандидат, ААУ адоцент Сослан Салаҟаиа арадио Sputnik аҟны дигәалаиршәеит иҭҵаарадырратә напхгаҩы, аҵарауаҩ ду Гьаргь Ӡиӡариа.

Урыстәылеи Венесуелеи рыдәныҟаполитикатә усҳәарҭақәа рнапхгаҩцәа еиԥылеит лаҵара 5 рзы.

Аҵыхәтәантәи адыррақәа рыла аҳаиртә баӷәаза Шереметьево аҟны аҳаирплан Sukhoi Superjet 100 амцакра иахҟьаны иҭахеит 41-ҩык ауааԥсыра.

Ашьапылампыл азы ахәыҷтәы-қәыԥштә турнир "IMERETINKA CUP 2019" аҩбатәи аетап мҩаԥысуан Шәача, лаҵара 2-5 рзы.

Аусҭҵааҩцәа ицәырыргоит Шереметьево иҟалаз арыцҳаразы акымкәа-ҩбамкәа амзызқәа. Иалацәажәоуп аԥырҩцәеи аҳаирплан атехникатә гәаҭара азҭоз адиспетчерцәеи рҟазара азымхара, аҳаирплан аиқәымшәара, аҳауатә ҭагылазаашьа абааԥсра.

Аԥсны Аекологиеи аԥсабара ахьчареи рзы аҳәынҭқарратә еилакы ахантәаҩы Савели Ҷыҭанаа арадио Sputnik аҟны далацәажәеит ахьа ҵлақәа ықәызхуа ахәаҷақәа рганахьала аҭагылазаашьа зеиԥшроу.

Жәларбжьаратәи акласс аспорт азҟаза, СССР ачемпион, Европа ачемпион Рашь Хәытаба ихьӡ зху Зых иақәиҭу ақәԥаразы XXVI Жәларбжьаратәи атурнир мҩаԥысуан Аҟәа, ареспубликатә спорттә школ аҟны лаҵара 4-5 рзы.

Аԥсуа ҭоурыхҭҵааҩ ду Гьаргь Алықьса-иԥа Ӡиӡариа диижьҭеи лаҵара 6 рзы 105 шықәса ҵуеит. Убри инамаданы Sputnik акорреспондент Сырма Ашәԥҳа диҿцәажәеит аҭоурыхтә ҭҵаарадыррақәа рдоктор, Аԥсуаҭҵааратә институт аусзуҩ Аслан Аҩӡба. Уи дазааҭгылоит аԥсуа ҭҵаарадырраҿи ауаажәларра ашьақәгылараҿи Гьаргь Алықьса-иԥа илагала ду.