19:18 27 Жәабран 2021
Ишиашоу ицо аефир
  • USD74.44
  • EUR90.37
Афотосахьақәа

Аҭоурых асценаҿы: амоноспектакль "Ацынҵәарах" шықәдыргылаз

Икьаҿу ахьарԥш аиура
25 0 0
© Sputnik / Леон Адлейба
Жәабран 16 рзы РУСДРАМ аҿы имҩаԥысит амоноспектакль "Ацынҵәарах" аԥхьарбара.

Баграт Шьынқәба ироман "Ацынҵәарах" ала иқәыргылаз амоноспектакль ддырбеит Ф.Искандер ихьӡ зху Аурыс ҳәынҭқарратә драматә театр аҿы жәабран 18 рзы.

Аспектакль арежиссиор-ақәыргылаҩс дыҟоуп Аԥсны зҽаԥсазтәыз артист, атеатр актиор хадацәа иреиуоу Џьамбул Жорданиа.

Амоноспектакль "Ацынҵәарах" апрессазы иддырбон атеатр арт-фоие аҟны. Аублаа жәлар аҵыхәтәантәи рхаҭарнак даазырԥшуаз ихадаз иагьакзаҵәыкыз ароль наигӡон актиор Осман Абыхәба.

Ақәыргыламҭа мҩаԥысуан сааҭки ҩажәа минуҭи. Ари аамҭа иалагӡаны актиор ароман аҟынтәи еиҳа аҵакы змоу ацыԥҵәахақәа дрыԥхьоит, убри аамҭазы адекорациақәагьы уажәы-уажәы рҽырыԥсахуеит. Зны ицәырҵуеит амҳаџьырқәа атәымдгьыл ахь изго аӷбақәа, анаҩс - аҭырқәа дгьыл сакарақәа, даҽазных - Кавказ ашьхақәа.

Амоноспектакль актиорк ида уаҩ дшаламгьы, уажәы-уажәы ахәаԥшцәа рлымҳа иҭыҩуеит ароман егьырҭ афырхацәа рыбжьқәагьы. Аспектакль арежиссиор ари ақәыргыламҭазы иалиԥшааит реиҳа анырра ҟазҵо, аҩымҭа аҵакы гәыцәс иамоу ахҭысқәеи ацитатақәеи.

Амоноспектакль "Ацынҵәарах" иахәаԥшырц иааиз асасцәа изларҳәаз ала, арежиссиор илшеит ашәҟәыҩҩ ду Баграт Шьынқәба ԥсра зқәым ироман иаҵаз ахықәки атмосфереи еиқәырханы асценаҿы иааԥшыртә аҟаҵара. Аублаа аҵыхәтәантәи рхылҵшьҭра, рцынҵәарах ироль назыгӡоз Осман Абыхәба илшеит амоноспектакль ахәаԥшцәа рхы-рыԥсаҟынӡа инеиртә, ргәы иҭымҵәартә аҟаҵара.

Арежиссиор Џьамбул Жорданиа игәаанагарала, ароман "Ацынҵәарах" асценаҿы ақәыргалара имариаз усмызт, зегь реиҳа инагӡатәны ииԥхьаӡоз - асиужет хада ацәаҳәа еиқәырханы аемоциа аҵаҵаны ахәаԥшҩы изнагара акәын.

Аҭоурых-философиатә роман "Ацынҵәарах" аҿы Кавказтәи аибашьраан зҭоурыхтә ԥсадгьыл нырмыжьыр ада ԥсыхәа змамыз, ихҵәаз аублаа жәлар рҭоурых аарԥшуп. Уи ароман еиҭагоуп адунеи абызшәақәа жәпакы рахь. Раԥхьаӡа акәны иара акьыԥхь иабеит 1974 шықәсазы ажурнал "Алашара" аҟны. Баграт Шьынқәба ари ароман ала иааирԥшит иарбанзаалак ажәлар рықәӡаара ауаатәыҩса зегьы ирзеиԥшу философиатә проблеманы, адунеитә цивилизациазы ицәыӡ дуӡӡаны.

Иара убас шәаԥхьар ҟалоит:

Иҵегь афотосахьақәа

  • Аҵыхәтәантәи арҿыцра: 13:20 25.02.2021
    13:20 25.02.2021

    Аси ашәҭқәеи, амреи амшыни: аԥснытәи аӡын асахьақәа

    Аԥсны аӡынра усҟак аҽарӷьеҩӡом. Убас сынтәагьы агаҿа иахьаҵанакуа асы маҷк ауп иахьықәнарҳәҳәаз, ашьхарақәа иахьрыԥну еиҳа иауит. Шәахәаԥш Sputnik ишәзеизнагаз сынтәатәи аӡын афотосахьақәа.

    10
    11
  • Аҵыхәтәантәи арҿыцра: 16:46 16.02.2021
    16:46 16.02.2021

    Ақәра ду, ақәра ԥшӡа: аԥснытәи абыргцәа рхаҿсахьақәа

    Sputnik Аԥсны еиднакылеит ақәра рацәа нызҵыз аԥсуа быргцәа рфотосахьақәа. Еиуеиԥшым аамҭақәа рзы иҭыхыз абыргцәа рфотосахьақәа рымоуп Гәдоуҭеи Аҟәеи рмузеиқәеи, Аԥсны жәлар рҟазаратә центри, иара убас ақәра рацәа нызҵыз рҭаацәеи.

    46
    16
  • Аԥсны Жәлар рпоет, Дырмит Гәлиа ипремиа алауреат Рушьбеи Смыр
    Аҵыхәтәантәи арҿыцра: 13:13 13.02.2021
    13:13 13.02.2021

    Саанхарымашь ҩаԥхьа абас: Рушьбеи Смыр иԥсҭазаара ацыԥҵәахақәа

    Аԥсны Жәлар рпоет, Дырмит Гәылиа ихьӡ зху аҳәынҭқарратә премиа алауреат, Ахьӡ-Аԥша аорден аҩбатәи аҩаӡара занашьоу Рушьбеи Смыр 71 шықәса ихыҵуазаарын жәабран 13 аҽны.

    181
    16
  • Аҵыхәтәантәи арҿыцра: 15:16 10.02.2021
    15:16 10.02.2021

    Ажәытәи аҿатәи ахьеиларсу: Аԥсны Асахьаҭыхыҩцәа реидгыла аиубилеи азы

    Жәабран 10, 1941 шықәсазы Аԥснытәи АССР аҿы еиҿкаан Асахьаҭыхыҩцәа рреспубликатә еидгыла. Шәахәаԥшырц ишәыдаагалоит иахьа Аԥсны Асахьаҭыхыҩцәа реидгыла иалоу аԥсуа сахьаҭыхыҩцәақәак рнапы иҵыҵыз ҭыхымҭақәак.

    27
    25

Ихадоу атемақәа