Аҳәынҭқарратә бызшәатә политиказы Аԥсны аҳәынҭқарратә еилакы раԥшьгарала иҭыжьуп хә-сериак змоу арҵагатә мультфильм "Леони Наалеи", абри атәы Sputnik арадиостудиаҟны иҳәеит амультипликатор Асҭамур Кәыҵниа.
"Аҳәынҭқарратә бызшәатә политиказы Аԥсны аҳәынҭқарратә еилакы раԥшьгарала напы асаркит арҵагатә сериал. Амультфильм "Леони Наалеи" ахырхарҭақәа рацәоуп. Аиашазы, раԥхьатәи асериа сцәыцәгьан, аконцепциа иаша ԥшаатәын, ахәыҷқәа ирзымарианы, игәныркалатә еиԥш аҟаҵара аҭахын. Сара сзы ихадоуп сусумҭақәа аԥсуа цәа рхаҵара", – иҳәеит Кәыҵниа.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.
Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.
Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.
Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.
