"Хра злоу ахҭысқәа": Габуниа апроект SputnikPro иазкны
"Дара агәахәара унаҭоит ас еиԥш атренинг, уи мҩаԥызго иԥышәа, иҩыӡара ахьынӡаҟоу уҳәа ицхыраагӡоу адырра аиуразы алшара ыҟан. Иахьазы иуадаҩуп аԥхьаҩцәа хьарԥшны ирызнауго аматериал иаԥхьартә еиԥш аҟаҵара. Уи ахатә знеишьақәа амоуп, уи аганахьала иҳауз адырра ҳхы иархәаны иаҳа еиӷьны аусура ҳалшап, иактуалтәу аинформациа ажәлар рҟынӡа анагара ҳалшап ҳәа сгәы иаанагоит", — иҳәеит Габуниа.
Апроект SputnikPro аҳәаақәа ирҭагӡаны аинформациатә агентра Sputnik апресс-центр аҟны имҩаԥысит ажурналистцәа, апресс-маӡаныҟәгаҩцәа рзы амастер-класс. Уи мҩаԥигеит Жәларбжьаратәи аинформациатә агентра "Россиа сегодня" арҵаратә программақәа рнапхгаҩы Олег Шьедров.
