Микрофон  - Sputnik Аҧсны
Арадио

Барцыц: аԥсуа иԥсҭазаашьаҟны ашьхақәа рҵакы ҳаракуп, иԥшьоуп

© Sputnik / Томас ТхайцукЛевард Барцыц.
Левард Барцыц. - Sputnik Аҧсны
Анапаҵаҩра
Аԥсны адгьылҭҵааратә еилазаара ахеилак аиҳабы Леуард Барцыц арадио Sputnik аҟны ашьхақәа жәларбжьаратәи рымш аҽны ҳажәлар рыԥсҭазаараҟны урҭ рҵакы далацәажәеит.

Барцыц: аԥсуа иԥсҭазаашьаҟны ашьхақәа рҵакы ҳаракуп, иԥшьоуп
"Аԥсуаа рзы ашьхақәа рҵакы акыр иҳаракуп, иԥшьоуп. Рылԥха ҳамазааит, Аԥсны иҟоу ҳныхақәа зегьы ашьха иаԥнуп — акы, ҩба — агаҿа иадугьы ашьха иҟоу ирҿыҵқәаз роуп. Иара егьысгьы ҳбызшәа, ҳҵас, ҳқьабз, ҳтурых аӷьырак ашьхара иадҳәалоуп, 78 процент Аԥсны шьхатәылоуп, ҳажәлар шьхауаауп", — иҳәеит Барцыц.

Аҵарауаҩ иҳәеит дшақәшаҳаҭым ҳажәлар аашьаҩцәоуп ҳәа агәаанагара.

"Аԥсуа инҭыҵра-иааҭыҵра, ишәарыцара, иҽықәтәашьа, иеибашьышьа, ихаҵара — аҭоурых ду, акультура аныԥшуеит. Аԥсуа иныҟәашьа, икәашара аццакыра ацуп итәыла арҩашқәа реиԥш, ахрақәа абахәқәа шеиҿкаау еиԥш, еилҟьа-еилӷәыцәаа иҟоуп", — ҳәа азгәеиҭеит Барцыц.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0