10:29 24 Хәажәкыра 2019
Ишиашоу ицо аефир
  • USD63.77
  • EUR72.59
Аԥсны Жәлар рпоет Мушьни Лашәриа
© Sputnik / Томас Тхайцук

Лашәриа Иуа Коӷониа изы: аԥсуа поезиаҟны дцәырҵаанӡа "аԥсаатә шәаҳәомызт, ажәҩан еҵәадан"

Арадио
Икьаҿу ахьарԥш аиура
16 0 0

Иуа Коӷониа иқәраҟны еиԥш зылшаз, зышьҭамҭа апоезиаҟны ӷәӷәала иаанзыжьыз адунеи аҟны аҿырԥштәқәа маҷӡоуп иҳәеит арадио Sputnik аҟны Аԥсны Жәлар рпоет Мушьни Лашәриа.

"Иҵит 115 шықәса аԥсуа поезиа аклассик Иуа Абас- ипа Коӷониа диижьҭеи. Убарҭ рахьтә иара 24 шықәса роуп иниҵаз. Уамашәа иаамҭа ацара, аццакра иныԥшуан данқәыԥшыз инаркны. Илирикатә жәеинраалак аҿы џьара иҩуеит:

"Сыҷкәыноуп, ҵоуп, макьана,

Аха иахьоуп уи, уаҵәоуп,

Уаҵәашьҭахь – ашьыбжьышьҭахь,

Сызҳашт, иахьа еиԥш субаӡом!…

Еҳ, аамҭа, аамҭа,

Умгәаҟын уара,

Исцәыумган асааҭқәа

Лассы-ласс уара!"

Абас зыҩуаз апоет усҟан ҩажәа шықәса ихыҵуан. Адунеитә поезиаҟны имаҷӡоуп, ҩыџьа-хҩы роуп Иуа иқәра иҭагыланы, поет ҳасабала иара илшаз зылшаз, зышьҭамҭа иахьагьы-уаҵәгьы апоезиаҟны иаанзыжьыз. Иуа Коӷониа ҩ-жанрк рҟны аус иуан: алирика, аепос. Иара аԥсуа поезиаҟны дцәырҵаанӡа, исахьаркны иуҳәозар, аԥсаатә шәаҳәаӡомызт, ажәҩан аеҵәақәа кыдмызт, иара ииҳәаз аӡәгьы имҳәацызт убас исахьаркны, хашҭра ақәымкәа", - ҳәа азгәеиҭеит Лашәриа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ихадоу атемақәа

  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    53
  • Еркәыт Аӡынба

    Ҭырқәтәылантәи шықәсқәак раԥхьа зҭоурыхтә ԥсадгьыл ахь нхара ҳәа иааз Еркәыт Аӡынба игәҭахәыцрақәа.

    153
  • Анна Сангулия

    "Ашацәа изыршаз ала дымҩасит", "изыԥҵәоу аамҭа", "игәахәтәы дахьымӡеит" - абас рҳәоит аԥсуаа ауаҩы илахьынҵазы. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы ауахҭа ишазыҟоу.

    65