19:39 18 Рашәара 2019
Ишиашоу ицо аефир
  • USD64.34
  • EUR72.23
Аԥсуаҭҵааратә институт афольклор аҟәша аиҳабы Цира Габниаԥҳа
© Sputnik

Габниаԥҳа Римма Ҳашԥҳа лзы: аҵарауаҩ хатәра, ауаҩы лаша

Арадио
Икьаҿу ахьарԥш аиура
33 0 0

Аԥсуаҭҵааратә институт афольклор аҟәша аиҳабы Цира Габниаԥҳа арадио Sputnik аҟны дылгәалалыршәеит аҵарауаҩ Римма Ҳашԥҳа. "Аԥсуа хәыҷтәы фольклор" ашәҟәы автор, уи раԥхьатәи аҭҵааҩы, афилологиатә ҭҵаарадыррақәа ркандидат, ахәыҷҭәы поетесса Римма Ҳашԥҳа диижьҭеи иахьа 85 шықәса ҵит.

"Римма Арсен- иԥҳа Ҳашба Аԥсуа ҭҵааратә институт афольклор аҟәшаҟны аҵарауаҩ хатәра лакәын. Лара аҵарадырраҟны зылаԥшҳәаа ҭбааз уаҩы лашан. Ҩнуҵҟала дбеиан, дқьиан, ауаа бзиа илбон, лдоуҳа аҩаӡара ҳаракӡан. Римма Ҳашԥҳа афольклорҭҵаараҟны зегь раасҭа иуадаҩу лнапы алакын- ахәыҷтәы фольклор. Уи аинтерес змоу, апсихологизм ду зҵоу ауп, аха анҵарагьы маншәалаӡам. Уи лара лнапы аналылкуаз илҳәо саҳахьан, аҵарауаа хатәрақәа илабжьызгоз  шыҟаз, иаҳа иманшәалоу даҽакы лҽазылкырц. Аха лара дыпсихолог дуун, хәыҷи –дуи бзиа илбон аҟынтә уи лнапаҟны аагара лзыманшәалахеит иагьа уадаҩра ацзаргьы. Лара лоуп аԥсуа хәыҷтәы фольклор азы амонографиа ҭзыжьыз, иара убри алагьы акандидаттә ҵарадырратә ҩаӡара лыхьчеит. Аха Римма  Арсени- иԥҳа уи аҟны даанымгылаӡеит. Афольклори аетнологиеи ирзеиԥшыз, иуадаҩыз, рацәак иҭҵаамыз апроблемақәа еснагь дрызҿлымҳан", - ҳәа азгәалҭеит Габниаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аҟны.

 

Ихадоу атемақәа