Ҵәыџьԥҳа: Словакиантәи аԥсшьаҩцәа Аԥсныҟа раара азҵаара аӡбара азгәаҭоуп
"Раԥхьа инаргыланы дара ихнахит Аԥсны аԥсабара. Ҳара еиҿаҳкааит дара рзы атур, уа иалаҳкааит иҳамоу аҭыԥ ԥшӡарақәа зегьы, аҭоурыхтә ргыларақәа. Даараӡа иргәаԥхеит, аинтерес рызцәырнагеит, еиуеиԥшым азҵаарақәа ҳарҭон. Дара ргәы иҭоуп атуристцәа арахь радԥхьалара, раагара. Аха араҟа хадара зуа зҵаараны иҟоу авизоуп. Убри аҟнытә еиҿкаатәуп еилоу атурқәа Урыстәыла-Аԥсны. Дара ирзеиҭаҳәоуп аоккупациа зызуу адгьылҵакыра азакәан аус шауа, аха уи ԥырхага рызҭо акәны ирыԥхьаӡом. Ҳара ирзеиҭаҳҳәеит Аԥсныҟа иаар шалшо Урыстәыла мацара акәымкәа, Қырҭтәылангьы, аха уи ажәалагалак аҳасабала", - азгәалҭеит Ҵәыџьԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
