Афорум "Таврида" Ҟрым имҩаԥысуеит рашәара 20 инаркны 26-нӡа. Ахықәкы хадақәа иреиуоуп еиуеиԥшым ахырхарҭақәа рҟны аус зуа арҿиаҩцәа аимадарақәа рыбжьаҵара, еицырзеиԥшу апроектқәа раԥҵара, амастер классқәа, аҭҵаарадырратә ҽазыҟаҵарақәа рымҩаԥгара, иара убас аибадырратә арккаратә ҟазшьа змоу аныҟәарақәа реиҿкаара.
"Уажәтәи асмена хәышәҩык инарзынаԥшуа еиднакылоит, еиҳараӡак атеатр аусхк знапы алаку роуп. Атәым милаҭқәа рҟынтәи иаарыԥхьаз аҿар 14-ҩык ҳаҟоуп. Аҟазара знапы алаку аҿар алекциақәа ирзаԥхьоит, акастингқәа еиҿыркаауеит. Араҟа асценаристцәа, апродиусерцәа, арежиссиорцәа ыҟоуп. Сара амоноспектакль ажанр иаҳа иҭысҵаар сҭахуп. Аҟазара знапы алаку ауаа рацәоуп, ҳԥышәа еимаҳдоит. Уи, хымԥада, сырҿиараҟны исыхәоит", -ҳәа азгәеиҭеит Лагәлаа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҟны.
