01:21 14 Абҵара 2019
Ишиашоу ицо аефир
  • USD64.20
  • EUR70.67
Леон Минџьиа
© Sputnik / Томас Тхайцук

Минџьиа: арратә ҽазыҟаҵара ашколқәа рҿы ихымԥадатәиу маҭәарзароуп

Арадио
Икьаҿу ахьарԥш аиура
50 0 0

Азеиԥштә арратә адҵаҟаҵаратә ҵараиурҭа аушьҭымҭа, алеитенант Леон Минџьиа арадио Sputnik Аԥсны аефир аҿы еиҭеиҳәеит аррахь агәыбылра изыркыз.

"Ҳара ашкол ҳанҭаз ҳахысуан арратә маҭәар, ҳарҵаҩы иҳабжьеигеит аҵараиурҭа аҭалара, сара сақәшаҳаҭхеит. Арратә ҽазыҟаҵара ашколқәа рҿы ихымԥадатәиу маҭәаруп. Арҵаҩы илшоит ахәыҷы аррахь ихьарԥшра, иазыҟаҵара, агәыбылра иркра. Аҵараиурҭаҿы ҳаннеи, зынӡа ҳқәыԥшын, ҳаиҳабацәа иҳаилдыркааит иҟалои иҟамлои. Аԥхьа аԥҟарақәа еилаҳгон, аха уи анаҩс аҭыԥ ақәҵашьа ҳақәшәон", - ҳәа азгәеиҭеит Минџьиа.

 

Алеитенант иажәақәа рыла, аҵараиурҭаҿы аҵараҵара аԥхьа даара иуадаҩын.

"Ашкол ахь ианаҳҭахыз ҳцон ҳаауан. Арраҟны уи аҩыза ахақәиҭра ҳамамызт. Асааҭ быжьба рыбжазы ҳгылон, ҳаҩуан, ҳаԥон, еиуеиԥшым амаҭәарқәа ҳархысуан. Шықәсык даара иаҳцәацәгьан, аха нас ҳашьцылеит", - иҳәеит Минџьиа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.    

Ихадоу атемақәа