Гәылрыԥшь араион аҟны аԥсшьаҩцәа рыдкыларазы аҭагылазаашьа зеиԥшроу атәы арадио Sputnik аефир аҟны еиҭеиҳәеит араион ахада ихаҭыԥуаҩ Дмитри Габлиа.
"Иахьатәи аамҭазы Гәылрыԥшь араион аҟны асасааирҭақәа хәба ыҟоуп. Урҭ рҟны шә-номерк рҟынӡа инаӡоит, ус анакәха, ашьҭаларҭақәа ҩышә ҟалоит. Ахатәы сектор аҿы шәки бжаки ауадақәа арбоуп, ашьҭаларҭақәа хышә рҟынӡа уԥхьаӡар алшоит. Аха уи иаанагом урҭ аҭыԥқәа зегьы харҭәаауп ҳәа. Иахьазы хәҭа-хәҭала ҳахәаԥшуазар, хы-ҳәҭак рҟынтәи акоуп ихарҭәаау. Ҳгәыӷуеит аԥсшьаҩцәа рхыԥхьаӡара иазҳап ҳәа", - иҳәеит Габлиа.
Инеиҵыху анҵамҭа шәазыӡырҩы арадио Sputnik Аԥсны аефир аҟны.
Шәачатәи аҳазалхыҩцәа автомашьынақәа ралагалараан иԥаршеиз адокументқәа аадырԥшит.
Очамчыра имҩаԥгаз "Арашь Бзоу. Аԥсны аҽыбӷаҟазаратә спорт" захьӡыз ацәыргақәҵаҿы идырбан аҽыбӷаҟазаратә спорт иазку афотосахьақәа, аҽцәа рымаҭәа, амузеитә маҭәарқәа, иара убас авидеонҵамҭақәа.
Таитәи абокс азы XIII Иаарту урыстәылазегьтәи атурнир "Кубок Содружества - 2019" мҩаԥысуеит Нижни Новгород ԥхынҷкәын 10 - 13 рзы.
