21:33 21 Нанҳәа 2019
Ишиашоу ицо аефир
  • USD66.26
  • EUR73.50
 Аҭанур Аҟәысба
© Sputnik Зафас Гамгия

Аҟәысба Ҭырқәтәыла аӡхыҵраан ааха зауз рзы: ҳшеидгыло дҳардыруеит

Арадио
Икьаҿу ахьарԥш аиура
11 0 0

Ҭырқәтәыла иҟалаз ақәоурақәа ирыхҟьаны аӡхыҵра аԥхасҭа знаҭаз аԥсуа қыҭақәа рҟны иахьатәи аамҭазы аҭагылазаашьа зеиԥшроу атәы арадио Sputnik аҟны еиҭеиҳәеит Ҭырқәтәыла иҟоу Аԥсуаа ркультуратә хеилакқәа рфедерациа ахантәаҩы Аҭанур Аҟәысба.

"Ааха зауз шаҟа аԥхасҭа роуз аилыргара иаҿуп аҳәынҭқарраҟынтәи. Амҩақәа, афымцалашара аиҭашьақәыргыларазы аусурақәа ирҿуп, аха уи лассы зҭыԥ иқәҵахо усым. Аӡы иагаз ҳгәылацәа аҭырқәцәа рҟынтәи ҩыџьа рыԥсыбаҩ рыԥшаахьеит, егьырҭ хәҩык макьана ирымбацт, ирышьҭоуп", - иҳәеит Аҟәысба.

Иара иазгәеиҭеит Ҭырқәтәыла иҟоу аԥсуа культуратә хеилакқәа рфедерациа ахаҭарнакцәа аҭагылазаашьа хылаԥшра шарҭо, аӡхыҵраан арыцҳара иақәшәаз ӡыржәтәла реиқәыршәара аус ишадгылаз иара убас ирылшо ала ацхырааа шрырҭо.

"Ҳшеидгыло еилыркаарц, уаатәи ҳқыҭақәа раанда ҳшыҟоу рдырырц, ҳашьцәа аԥсуаа рымацара ракәымкәа, ааигәа-сигәа иҟоу егьырҭ амилаҭқәа иреиуоу ҳгәылацәагьы еилых ҟамҵакәа ҳфедерациа аганахьала ацхыраара рыҭара хықәкыс иҳамоуп, ҳархаҵгылоит", -  иҳәеит Аҟәысба.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа