01:41 18 Нанҳәа 2019
Ишиашоу ицо аефир
  • USD66.00
  • EUR73.22
Фат Смыр
© Sputnik

Смыр: ауаҩы аџьабаа баны ашьха ақәцәан даннеиуа, ибла иабо иааԥсара иханаршҭуеит

Арадио
Икьаҿу ахьарԥш аиура
9 0 0

Нанҳәа ааба рзы адунеи аҿы иазгәарҭоит Жәларбжьаратәи альпинизм амш. Аиқәырхаҩ, альпинист, аспелеолог Фат Смыр арадио Sputnik Аԥсны аефир аҿы еиҭеиҳәеит альпинизм иара изы ҵакыс иамоуи, насгьы ацаҟьа аҿалараан изцәырҵуа ашәара дшаиааиуеи ртәы.

"Ашьха ԥыҭк сцахьеит, аҵаҟьақәа ҳарҿалахьеит, аҳаԥқәагьы ҳарҭалахьеит, аха знык ашьха ԥсшьара сцандаз ҳәа сҟамлацт. Урыстәылантә альпинистә агәыԥқәа анаауаз ҳрыцны ҳцон ашьха, ҳреицәамхандаз ҳәа ҳрыцхалон, ус ауп ҳшалагаз. Ауаҩы аџьабаа баны ашьха ақәцәан даннеиуа, иаԥхьа иаатуа зегьы анибалак, Аԥсны абжа инаԥсыргәыҵа ианану, иааԥсара ихашҭуеит. Ҳәарада, аҵаҟьа аҿалара еснагь ашәара ацуп, ашаха ануцраҳәоу иаҳа имаҷуп, аха  зынӡак имшәо дсымбац. Издыруеит, аӡәырҩы еицырдыруа альпинистцәа, дара зегьы ирымоуп ашәара, аха иара узыӡырҩыроуп. Ушәара уҽамҭакәа иҟауцараны иҟоу, уи ииашаны ишыҟаҵатәу уазхәыцуазароуп, ашьха уанаҿало аамҭаз. Ашәара уҽауҭар, агха ҟауҵар улшоит", – ҳәа азгәеиҭеит Смыр.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    23
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    146
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50