"Аԥсны аҩныҵҟа шықәсык ахь знык ачемпионат анымҩаԥаагогьы ыҟоуп. Европа Ахраҿа акәзар, иаҳа-иаҳа иаднаԥхьало рацәаҩуп. Сынтәа ҩажәи акынтә имҩаԥысуеит. Аԥхьа Урыстәылантә мацара иаҳзаауан, уажәы агеографиа акыр аҽарҭбааит. Аԥышәа змоу амастерцәа анаауа ирышьҭалан иаауа рацәаҩуп. Уи аибабара, анаҩс ҳара ҳзаку, аԥсуаа ҳтәашьа ҳгылашьа, ауаа иргәаԥхоит. Уажәазы, Урыстәыла мацара жәаҩа регион рҟынтә иааны иҟоуп акаратистцәа. Шотокан Казе Ха аиҳабы Игорь Садовников ара дааны дыҟоуп, иара убас ара дыҟоуп Жәларбжьаратәи иреиҳаӡоу аӡбаҩ, казахстанытә, татџьыкистанынтә уҳәа агәыԥ бзиақәа ыҟоуп. Аицлабра зхы алазырхуа зегьы рзы Аԥсны ақәгылара, амедал ма акубок агара хьӡырҳәагоуп, уи дара рзы акыр аҵанакуеит, избанзар ҳтәыла аӡбахә ибзианы ираҳахьеит". – ҳәа азгәеиҭеит Абыхәба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
