03:10 17 Цәыббра 2019
Ишиашоу ицо аефир
  • USD63.83
  • EUR70.67
Инар Гыцба
© Sputnik Зафас Гамгия

Гыцба: Иорданиа иаартхоит Адунеизегьтәи аԥсуа-абаза конгресс аофис

Арадио
Икьаҿу ахьарԥш аиура
137 0 0

Адунеизегьтәи аԥсуа-абаза конгресс анагӡаратә маӡаныҟәгаҩ Инар Гыцба арадио Sputnik Аԥсны иазеиҭеиҳәеит Аԥсуа-абаза жәлар рконгресс иреиҳаӡоу ахеилак ахантәаҩы Мусса Екзеков Иорданиаҟа ицара зызку.

"Хықәкы хадас иҟоу Иорданиа инхо ҳашьцәеи иареи реибадырра ауп. Анаҩс аԥсуа-абаза конгресс аԥхьа ишьҭоу азҵаарақәа рынагӡаразы имҩаԥгатәу аусуреи иҟаҵатәу ашьаҿақәеи рзы аиҿцәажәарақәа мҩаԥаагоит. Ара еиҿааҳкарц ҳгәы иҭоуп аконгресс аофис, ус еиԥш Ҭырқәтәылагьы иҟоуп. Нанҳәамза 26 рзы иҟалоит аиԥылара ду, уахь иадыԥхьалахоит Иорданиа инхо аԥсуаа рхылҵшьҭрақәа зегьы", – ҳәа адырра ҟаиҵеит Гыцба.  

Адунеизегьтәи аԥсуа-абаза конгресс анагӡаратә маӡаныҟәгаҩ иҳәеит Иорданиа иҟоу аԥсуаа рхылҵшьҭрақәа рџьынџь ԥсадгьыл иаҳа ишазҿлымҳахаз. 

"Ҳныҟәарақәа раан игәаҳҭар ҳалшоит иаҳа-иаҳа Аԥсны, аԥсуа жәлар иазҿлымҳахаз шырацәахаз, аиҭанеиааира еиҳа еиӷьхеит", - ҳәа азгәеиҭеит Гыцба.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Ихадоу атемақәа