Агәыҳалалратә фонд "Ашана" ахада Мактина Џьынџьалԥҳа адырраҭара "Коӷониаԥҳа лымҩаду" аҿы еиҭалҳәеит Аԥсны иаԥҵоу агәыҳалалратә фондқәеи дареи ирыбжьоу аимадарақәа ртәы.

"Жәларбжьаратәи афонд "Аԥсны" ахада Сенер Гогәуа адырраҭара "Коӷониаԥҳа лымҩаду" аҿы иазгәеиҭеит Аԥсны ишыҟам ацхыраара заузи измауци еидызкыло иаку абаза.

Бзыԥтәи аҩхаа ада, адунеи аҿы џьаргьы иззымҳауа аҵиаа ашьхаҳаршьыл (колокольчик) аартра шыҟалаз, насгьы изыбзоуроу арадио Sputnik Аԥсны аефир аҿы еиҭеиҳәеит Аекологиазы аҳәынҭқарратә еилакы ахантәаҩы инапынҵақәа назыгӡо Савели Ҷыҭанаа.

Атәылауаҩи аиҳабыреи - аӡбамҭа здызкылои иназыгӡои рыҿцәажәара. Арадио Sputnik Аԥсны астудиаҟны актуалра злоу аиҿцәажәарақәеи урҭ рыӡбара амҩақәа рыԥшаашьеи.

Аҳақьым-апедиатр, агәабзиарахьчара аминистрра аиммунизациазы аспециалист хада Есма Гәниаԥҳа арадио Sputnik Аԥсны астудиаҿы илҳәеит уажәы изызҳауа аҿар ргәабзиара иаҳа ишеиӷьу.