Микрофон  - Sputnik Аҧсны
Арадио

Малиаԥҳа Сариа Лакоба лгәалашәара иазку ахәылԥаз азы: ателемарафон рылаҳәара ҳгәы иҭоуп

© Sputnik Лиудмила Малиаԥҳа
Лиудмила Малиаԥҳа - Sputnik Аҧсны
Анапаҵаҩра
Нестор Лакоба иԥшәма Сариа лгәалашәара иазку ахәылԥаз мҩаԥысуеит ԥхынҷкәын 5 Аурыс драматә театр аҿы. Нестор Лакоба имузеи аиҳабы Лиудмила Малиаԥҳа арадио Sputnik Аԥсны аефир аҿы еиҭалҳәеит ахәылԥаз аҳәаақәа ирҭагӡаны ишрылаҳәахо ателемарафон.
Малиаԥҳа Сариа Лакоба лгәалашәара иазку ахәылԥаз азы: ателемарафон рылаҳәара ҳгәы иҭоуп

"Сариа лхәыҷы изкны иҟаҳҵеит афотодокументқәа 30 цыра, изымбац ироуеит алшара урҭ рбара, Аурыс драматә театр афоие аҿы ицәыргақәҵахоит. Ахәылԥаз аҿы ахәаԥшцәа идырбахоит Нестор Лакоба иҭаацәа ирызку адокументалтә фильмқәа рцыԥцәахақәа, аҭоурыхтә хаҿсахьа дуқәа рыԥсҭазаараҿы анырра азҭаз аҟазацәа русумҭақәа. Даара иаҳҭахын, хаҭала, Сариа илызкны ас еиԥш ахәылԥаз аиҿкаара, лара лыхьӡ зҳәо акгьы ахьыҟам ҳгәы иалоуп. Иаҳҭахуп ателемарафон рылаҳҳәарц. Аӡәырҩы еицырдыруа ауаа лара лыԥсҭазаара атәы здыруа ирҳәахьеит, абаҟа шылзыргылатәу, ус иҳәахьан Фазиль Искандергьы. Абаҟа ргылазар аҭахуп Аҟәа", - ҳәа еиҭалҳәеит Малиаԥҳа.    

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0