08:39 20 Жәабран 2020
Ишиашоу ицо аефир
  • USD63.69
  • EUR68.78

Арсҭаа ианҵаауа амашьынарныҟәцаразы: аӡынтәи абарбал умамзар, шьапыла уныҟәа

Арадио
Икьаҿу ахьарԥш аиура
38 0 0

Адырраҭара "Авторивиера" амҩаԥгаҩ Гарри Арсҭаа арадио Sputnik Аԥсны аефир аҿы еиҭеиҳәеит амҩадуқәа анҵаауа амҩатә шәарҭадара аԥҟарақәа ртәы.

"Ҳәарада, амашьынарныҟәцаҩ аӡынразы имазароуп аӡынтәи абарбалқәа, мап анакәха амашьына ргыланы шьапыла дныҟәароуп. Амҩа анықәҵаау амашьына арныҟәҵара мариам, иахьакәым уагар ауеит, уи амашәыр ацуп. Ақәҵаара уҽазыҟауҵароуп, уи амашьына мацара аиқәыршәара акәым аус злоу, ухгьы иазуҳәароуп "еснагь угәуҽанызароуп!" ҳәа. Ҳәарада, амҩатә усбарҭақәа ари аамҭазы иаразнак русура нап адыркыроуп, избанзар сааҭбжак аҩнуҵҟа ақәҵаара иарҿио рацәоуп. Ҳмашьынарныҟәцаҩцәа ирымаӡам усҟак аԥышәа, ианықәҵаау аныҟәара, уи азы зегьы ргәырҽанызароуп. Инеиԥынкыланы иахьықәҵаауа ҳәа Аԥсны амҩақәа ыҟаӡам. Еиҳарак иахьықәҵаауа ацҳақәа рҿоуп, избанзар уи адгьыл иахганы иҟоуп, адгьыл иаҳа аԥхарра амоуп азы, имҵаар ауеит. Амашьынақәа ракәзар, зегьы ирымоуп угәуҽанызҵо абжьы, х-градуск ахьшәашәара аныҟалалак, угәуҽаннаҵоит, убри инаркны иҵаар ауеит џьара-џьара ҳәа, уи ауп иаҳагьы ишәарҭоу, угәуҽанӡамкәа ушнеиуа аҵаа ахьыҟоу амҩаҿы уаннеилак, знык уанарҵәилак, аҽаанкылара уадаҩуп, аԥышәа змоу амашьырныҟәцаҩгьы ианилымшо ыҟоуп", - ҳәа азгәеиҭеит Арсҭаа.       

Инеиҵыху аиҿцәажәара шәазыӡырҩы арадио Sputnik Аԥсны аефир аҿы. 

 

Ихадоу атемақәа