11:10 29 Ԥхынгәы 2021
Ишиашоу ицо аефир
  • USD73.61
  • EUR86.92

Аргәынԥҳа еиҭалҳәеит акоронавирус азы иаԥҵоу аԥкрақәа раан ателехәаԥшра аусура шеиҿкаау

Арадио
Икьаҿу ахьарԥш аиура
Аҿкычымазара – акоронавирус Аԥсни адунеи аҿи: иалкаау (1379)
3310

Аҳәынҭқарратә телерадиоеилахәыра аамҭала ахада инапынҵақәа назыгӡо Рада Аргәынԥҳа арадио Sputnik аефир аҿы еиҭалҳәеит акоронавирус иахҟьаны ҳтәылаҿы иҟоу аԥкрақәа инарықәыршәаны ателехәаԥшраҿы русура шеиҿкаау атәы.

Аргәынԥҳа еиҭалҳәеит ателехәаԥшра аусура атәы акоронавирус азы иаԥҵоу аԥкрақәа раан

"Ҳара ҳҿы аус руеит 160-ҩык аусзуҩцәа, иахьазы рыбжеиҳараҩык рыҩныҟа иаушьҭуп. Атематикатә дырраҭарақәа русура аанкылоуп. Урҭ рҭыԥан аиҭарбарақәа ҟалоит, еиԥҟьарада аус аулоит аинформациатә-политикатә дирекциа. Акорреспондентцәа, аоператорцәа аус шыруц ируеит, аҭыԥ аҿы иҟоуп. Еилаҳкаауеит иҳаду аҭакԥхықәра, ауаа рҟынӡа инагатәуп аинформациа агәыҭҟьара ҟамларцаз. Иаҭаххаргьы ишиашоу ицо аефирақәа мамзаргьы, авидеоҭыхымҭақәа иара аҿкы атемала рҭыхра ҳазыхиоуп, уи аус еиҭа иацларгьы ҟалап. Ҳәарада, аҩны иҟоу ауаа руалафахәы шыҟац иаанхоит. Аус зуа рзы акәзар, иаԥҵоуп аҭагылазашьақәа ачымазара аҽацәыхьчаразы, дара еиқәыршәоуп иахәҭоу амаҭәахәқәа рыла, иазгәаҭоуп иҷыдоу ахәшәқәа рыла ауадақәа ррыцқьара. Арадио аусзуҩцәагьы ателехәаԥшра аусзуҩцәа реиԥш аус руеит, аинформациа назго рыда егьырҭ зегьы рыҩныҟақәа рахь иаушьҭуп. Ауаа рыхдырра ҳақәгәыӷуеит, аамҭак аҩны итәар иаҳа еиӷьуп, ргәабзиара ашәарҭара иҭадмыргыларцаз", - ҳәа еиҭалҳәеит Аргәынԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Атемақәа:
Аҿкычымазара – акоронавирус Аԥсни адунеи аҿи: иалкаау (1379)

Ихадоу атемақәа