Микрофон  - Sputnik Аҧсны
Арадио

Бигәаа Агәы-Бедиа анхацәа рзы: ақыҭа аанзыжьуа раасҭа ихынҳәуа еиҳауп

© Foto / предоставлено Бигвава ГенриБигвава Генри
Бигвава Генри - Sputnik Аҧсны
Анапаҵаҩра
Тҟәарчал араион Агәы-Бедиа ақыҭа ахада Генри Бигәаа арадио Sputnik аефир ала арубрика "Раионк аԥсҭазаараҟынтә" аҟны еиҭеиҳәеит ақыҭауаа рыбзазашьа атәы.
Бигәаа Агәыбедиа анхацәа рзы: ақыҭа аанзыжьуа раасҭа ихынҳәуа еиҳауп

"Ҳқыҭаҟны ижәытәӡатәиу ауахәама ҳамоуп аԥхын еиԥш аӡынгьы ауаа аҭаалоит. Иахьазы Агәы-Бедиа инхоит 196 ҭӡы, 766-ҩык ауаа. Иахьатәи аамҭазы аҭагылазаашьа шыҟоу зегьы ирдыруеит (ачымазара ҿкы акоронавирус адунеи алаҵәара - аред), аха ҭынч рыҩнаҭақәа рҟны аусқәа ирҿуп. Ишдыру еиԥш, ақыҭанхамҩа иадҳәалоу аусурақәа рацәоуп, шьоукы ацәаӷәара иалагахьеит, арасаҭрақәа, амандаринаҭрақәа рҟны досу русқәа ҟарҵоит. Хышықәса ҵуеит администрациа аганахьала ацхыраара ҳауеижьҭеи еиуеиԥшым ачымазарақәа рҟынтәи аҵлақәа рыхәышәтәразы. Ҵыԥхцәа аасҭа ҳҽаҩра ҵыԥх еиӷьын. Амҩа атәы ҳҳәозар, ҵыԥх акаҭран ықәырҵан, Тҟәарчали ҳареи ҳаимаздо амҩа бзиоуп. Аҽгәара аганахьала уи аҭагылазаашьа цәгьоуп, сынтәала иалҵуам ҳәа агәаанагара сымоуп, аха ҽааны амҩа ҟарҵап ҳәа агәыӷра ҳамоуп. Афымцалашара азҵаара акәзар, даара ацхыраара рацәаны иҳауит, ашьаҟақәеи ацәаҳәақәеи рацәаны ирыԥсахит. Макьаназы зегьы ақыҭаҟны ҳаҟоуп, иааныжьны ицо раасҭа игьежьуа еиҳауп", - иҳәеит Бигәаа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ажәабжьқәа зегьы
0