07:20 31 Лаҵара 2020
Ишиашоу ицо аефир
  • USD70.75
  • EUR78.55

Кәыҵниа: иахьазы еиҳарак ҳнапы злаку арзҩыдаратә усура амҩаԥгароуп

Арадио
Икьаҿу ахьарԥш аиура
Ачымазара ҿкы – акоронавирус Аԥсни адунеи аҿи: иалкаау (463)
63 0 0

Аԥсны аҭагылазаашьа ҷыдақәа рминистр Лев Кәыҵниа арадио Sputnik аефир аҟны еиҭеиҳәеит аусбарҭа аҿаԥхьа иахьазы ихадаратәны иқәгылоу аусқәа ртәы.

Кәыҵниа: иахьазы еиҳарак ҳнапы злаку адезинфекциа амҩаԥгароуп

"Иахьазы аусбарҭа аҿаԥхьа еиҳарак дҵаны иқәгылоуп ауаа рацәа ахьнеиуа ахәшәтәырҭақәа рҟны адезинфекциа аҟаҵара. Уи азы иаҭаху аилаӡҩа ҳамоуп раионцыԥхьаӡа аусурақәа рымҩаԥгаразы. Агәабзиарахьчара аминистрра аҟынтәи иаҳзаарышьҭыз асиала иалкааны арзҩыдатәра ахьаҭаху аҭыԥқәа рҟны аус ҳуеит. Убасгьы ҳусзуҩцәа рҽеиҭнырыԥсахлоит аҳәааҟны, уа ишыҟац иҟоуп амза 25 раахыижьҭеи, насгьы агәаҭаратә ҭыԥқәа ахьыҟоу аҷкәынцәа гылоуп, ацхыраара ҟарҵоит", - иҳәеит Кәыҵниа.

Иара убасгьы иазгәеиҭиет Аҭагылазаашьа ҷыда аминистрра араионтә ҟәшақәа ишрыду зхала иҟоу ауаа, мамзаргьы ацхыраара зҭаххар алшо аҭаацәара дуқәа рсиақәа рыҟаҵара.

"Аамҭа ҳаԥхьаҟа ишыҟало ҳаздыруам, еснагь абзиара ҳақәгәыӷуеит, аха иаҭахны ианыҟало ус еиԥш асиа ҳамазаруп ҳәа иаҳуалԥшьаны иҳаԥхьаӡоит. Ажәакала, ҳалаԥш рхызар ҳҭахуп", - иҳәеит Кәыҵниа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Атемақәа:
Ачымазара ҿкы – акоронавирус Аԥсни адунеи аҿи: иалкаау (463)

Ихадоу атемақәа