"Уа аус зуа аҳақьымцәа излаҳалшо ала иҳахьчоит. Уи азы иахәҭоу амаругақәа рымоуп, аха ари ачымзара зыхьны иҟоу аус рыдызуло ауаа рыԥсҭазаарагьы ргәабзиарагьы есымша ашәарҭара иҭагылоуп. Урҭ зынӡа ихьчоуп ҳәагьы сызҳәом. Ари авирус ирлас аӡә иахь даҽаӡә иахь ииасуеит, убри алагьы иаҳагьы ишәарҭоуп. Акоронавирус ыҟоуп ҳәа агәра зымго дубап, аха иара ыҟоуп, убри аҟнытә аҽацәыхьчаразы иҟоу аԥҟарақәа ирықәныҟәатәуп, избанзар ахәышәтәра даара иуадаҩуп. Уи адагьы, иара шыхәышәтәтәу макьана ишьақәыргылаӡам. Ауаҩы ихы ихьчар зегь реиҳа еиӷьуп. Аҩны итәатәуп", – ҳәа азгәалҭеит Арҷелиаԥҳа.
Мшаԥы 7 рзы раԥхьаӡа акәны акоронавирус идырбалеит ахаҵа, иара ахәышәтәырҭахь днаган. Адырҩаҽны иара дызныруаз аԥҳәысгьы ачымзара лыдбалан. Дара рҩыџьагьы гагратәи аҩнеихагылақәа руак иҩнан. Уажәы Гәдоуҭатәи ахәышәтәырҭаҿы рҽырхәышәтәуеит.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Акоронавирус иазку аҵыхәтәантәи ажәабжьқәа шәрыԥхьар ҟалоит абра>>
