11:31 06 Ԥхынгәы 2020
Ишиашоу ицо аефир
  • USD70.50
  • EUR79.22

Ажьиԥҳа еиҭалҳәеит Тҟәарчал инхо аветеранцәа Аиааира Ду амш шрыдырныҳәало

Арадио
Икьаҿу ахьарԥш аиура
Аџьынџьтәылатә еибашьра ду аҟны Аиааира 75 шықәса ахыҵра (72)
41 0 0

Тҟәарчал ақалақь ахадара акультура аҟәша аиҳабы Рита Ажьиԥҳа арадио Sputnik Аԥсны аефир аҿы еиҭалҳәеит Аџьыџьтәылатәи еибашьра Ду аан игаз Аиааира амшныҳәа араион аҿы ишазгәаҭахо атәы.

Раионк аԥсҭазаараҟынтә: Ажьиԥҳа Тҟәарчал инхо аветеранцәа ирызкны

"Ҳраион аҿы иҟоуп хҩык аветеранцәа, Ипполит Зыхәбаиа, Хәыта Зарандиа, Алықьса Шьониа. Урҭ рахьынтә Алықьса Шьониа зегь дреиҳабуп. Ҳгәы иҭоуп урҭ рыхҩык рыҩнаҭахьы ҳнеины аҳамҭақәа рнапаҟны идҳаркырц, жәаба-жәаба нызқь мааҭ раҳҭарц, иара убас ашәҭқәа. Уи анаҩс аныҳәамш аҽны ақалақь аҿы аус зуа зегьы араион аҿы игылоу абаҟа амҵан ашәҭқәа шьҭаҳҵоит, аибашьра иалахәыз зегьы ҳгәалаҳаршәарцаз. Уи аҽны имҩаԥгахоит акциагьы, ауааԥсыра ирызшахоит Аиааира иасимволу ацаха. Аныҳәатә концерт ҳзыҟаҵаӡом, иҳамоуп араион аҿы агәыԥқәа еиҿкааны уи амҩаԥгара зылшо, аха аамҭала уи ахгахоит", - ҳәа еиҭалҳәеит Ажьиԥҳа.

Тҟәарчал ақалақь ахадара акультура аҟәша аиҳабы лажәақәа рыла, иааизакны Тҟәарчалынтә еибашьра ицеит 22-ҩык. Урҭ рҭоурых иахьагьы амузеи аусзуҩцәа аҭҵаара иаҿуп, еизыргоит аматерилақәа ҳәа азгәалҭеит лара.

Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

Атемақәа:
Аџьынџьтәылатә еибашьра ду аҟны Аиааира 75 шықәса ахыҵра (72)

Ихадоу атемақәа