Лаҵара 20 рзы иԥсы ҭазҭгьы 75 шықәса ихыҵуазаарын апоет, аиҭагаҩ, апублицист Рауль Лашәриа.
"Рауль поетк иаҳасабала дрыдыскылоит аԥсуа поет гәлымҵәахқәа Анатоли Аџьынџьал, Таиф Аџьба, Витали Амаршьан. Ҳәарада, иара ихатә бжьы иман. Иҩымҭақәа игәцаракны ирыԥхьоз ирымбар залшом ихәыцра ҵаулақәа, иуаҩра ду, ипатриотизм. Иара ибаҩхатәра анаҩсгьы аҵара бзиа иман. Акымкәа атәым бызшәақәа идыруан, аха иара илыжжуаз аԥсуара акәын. Уи иҩымҭақәа рҿы абжеиҳарак иубо аԥсуа қыҭа аԥсҭазаароуп. Игәараҭа агәхьаагара, аԥеиԥш азхәыцра, лахьынҵас иамоу. Рауль иџьабаа рацәоуп ажурналистикаҿы, акыр шықәса Аԥсуа телехәаԥшраҿы аус иухьан. Аурысшәаҟнытә аԥсшәахь иара ишеиҭеигоз џьашьатәын, аурыс текст дахәаԥшны, аԥсышәала даԥхьон. Иара дызлыҵыз иҭаацәара, ихәышҭаара - абри акәын аиҳарак хьаас имаз, аха убри убас иҟаиҵон, уара уанаԥхьоз уаргьы иузааигәахон иара ихьаақәа", - ҳәа иҳәеит Касланӡиа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Алитератураҭҵааҩы Қапба Рауль Лашәриа изы: адырра иашьҭаз уаҩын, илаԥшҳәаа харан
-
Касланӡиа Таиф Аџьба изы: аԥсуа иаҳаҭар лазырҟәуа ацәажәарақәа ичҳауамызт
-
Анҷа-Кәынҷа "иаб": ашәҟәыҩҩы Валери Касланӡиа 75 шықәса ихыҵит
