21:48 12 Ԥхынгәы 2020
Ишиашоу ицо аефир
  • USD71.23
  • EUR80.27

Аҟәысба еиҭеиҳәеит Ҭырқәтәыла акурорттә аамҭа рыҽшазыҟарҵо, иахьазы ԥкрақәас иҟоу

Арадио
Икьаҿу ахьарԥш аиура
25 0 0

Ҭырқәтәыла иҟоу Аԥсуа культуратә хеилакқәа рфедерациа ахантәаҩы Аҭанур Аҟәысба арадио Sputnik аефир аҟны еиҭеиҳәеит акоронавирус инадҳәаланы атәылаҟны иалагалаз аԥкрақәа рзы аҭагылазаашьа зеиԥшроу, атуризм аамҭа аартразы лшарас иҟоу, аԥсшьаразы ԥҟарас ишьақәгылоу ртәы.

Аҟәысба еиҭеиҳәеит ачымазара ҿкы инадҳәаланы Ҭырқәтәыла ԥкрақәас иаанхаз ртәы

"Ари ачымазара ааха ҳамамкәа иаҳхаҳгеит ҳҳәар ҟалоит, убас ицап ҳәа ҳгәыӷуеит. Уажәы ҳазҭоу амзазы идыркәадеит аԥҟарақәа. Аҿар 20 шықәса зхымҵуаз адәахьы издәылҵуамызт, уажәы уи 18 шықәса рахь ақәра ларгеит. Ауаа 65 шықәса зхыҵуа адәахьы адәылҵра шьҭа алшара роуеит асааҭ 10 инаркны 20-нӡа. Адәқьанқәа аадыртит, ақалақьқәа рыбжьара аиҭанеиаара аадыртит. Хымз раахыижьҭеи зқыҭахь имцахьаз, саргьы уа сналакны, шьҭа ицоит, иаауеит. Иааиуа амзазы атуризм аганахьала аусура, ачарақәа руразы азин ҟаҵахоит ҳәа ауп", - иҳәеит Аҟәысба.

Убасгьы еиҭеиҳәеит атуризм аусхк аганахьала атәылаҟны иҟоу аԥҟарақәа ртәы, аҳәынҭқарра цхыраарак аҳасабала аусдкылаҩцәа ирыднагало атәы.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ихадоу атемақәа