Микрофон  - Sputnik Аҧсны
Арадио

Чалмаз Афонҿыцтәи аҳаԥы аусзуҩцәа рзы: хатәгәаԥхарала зегьы ԥсшьара ицеит

© Фото : Рисмаг АджинджалМирон Чалмаз
Мирон Чалмаз  - Sputnik Аҧсны
Анапаҵаҩра
Афонҿыцтәи аҳаԥы аиҳабы Мирон Чалмаз арадио Sputnik аефир аҟны еиҭеиҳәеит ачымазара COVID -19 алаҵәаразы ашәарҭара иахҟьаны Аԥсны иалагалоу аԥкрақәа раан аҳаԥы амаҵ азызуа русура шеиҿкаау атәы.
Чалмаз еиҭеиҳәеит апандемиа аан Афонҿыцтәи аҳаԥы аусушьа шеиҿкаау

"Иахьа апандемиа аныҟоу аамҭазы аҳаԥы аусура аанкылоуп. Хәажәкыреи мшаԥи рзы аусзуҩцәа ауалафахәы рызшәан. Лаҵарамза 1 инаркны аҳаԥы амаҵ азызуа ҳәа хҩык аилыргаҩцәеи ԥшьҩык ахьчаҩцәеи аанҳажьит, ауалафахәы уаҳа аӡәгьы иоуӡом. Ус аҳаԥы анапхгара ҳнеиуеит, ҳааиуеит акәымзар, аҳәаа аартны аԥсшьаҩцәа дәықәлаанӡа аус ҳауӡом. Аԥыза-министр ҳаизганы иҳаиҳәеит аҳәаа аартра мчыбжьык-жәамш шыбжьоу адырра ҟаҵахоит, аҳаԥы аусура аҽазыҟаҵаразы ҳәа. Уи аамҭа ҳазыԥшуп зегьы. Ауалафахәы азҵаара аанкыларазы аизара мҩаԥаҳгеит, аколлектив 150–ҩык ҳаҟоуп, зегьы хатәгәаԥхарала ԥсшьара ицеит", - иҳәеит Чалмаз.

Иара иазгәеиҭеит апандемиа зегьы ааха шырнаҭаз, аҳаԥы аусзуҩцәагьы уи шеилыркаауа.

"Ҳамацара ҳакәӡам, зегьы аԥырхага рнаҭеит ари аҭагылазаашьа, ҳаргьы иҳачҳап, ҳақәгәыӷуеит Аԥсны ачымазара ҟамлап ҳәа", - иҳәеит Чалмаз.

Иара иажәақәа рыла, ҵыԥх аҳаԥы аҳәынҭқарратә биуџьет иаланагалеит 50 миллион мааҭ инацны, сынтәатәи ашықәс азы акәзар - 15 миллион мааҭ иназынаԥшуа.

Иара убас шәаԥхьар ҟалоит:

Ажәабжьқәа зегьы
0