Раԥхьаӡа акәны амилаҭҭә ҵарадырра аҭоурых аҟны Аԥснытәи аусхкырацәатә коллеџь аҟны имҩаԥысуеит азанааҭҭә ҩаӡара ашьҭыхразы жәларбжьаратәи онлаин-рҵара. Уи апрофессионалтә техникатә ҵара знапы алаку арҵаҩцәа рзы Европатәи аидгылеи Еиду Амилаҭқәа реиҿкаара Аҿиара апрограммеи еицеиҿыркааз усуп. Арҵаҩцәа ирыдыргалоит аҵараҟны аметод ҿыцқәа, онлаин атренингқәа мҩаԥыргоит аҟазацәа.
"Санкт-Петербургтәи арҵаҩцәа онлаин ахархәарала ҳарҵаҩцәа рыҩаӡара аҳаракразы имҩаԥыргоит арҵаратә еицәажәарақәа. Сызлахәаԥшыз ала, иманшәаланы, алҵшәа аманы ицоит. Аколлеџь арҵаҩцәа зегьы аҵанакуеит, аматематик иоума, атехнолог иоума, еилых амаӡам. Арҵаратә еиҿцәажәара раԥхьатәи ахәҭа ҳахысыр, анаҩс иҟало ҳбоит, аха уажәы жәамшҟа ус арҵарақәа цоит азанааҭтә ҩаӡара ашьҭыхразы… Уажәы адистанциатә ҵара амҩаԥгашьа ддырбоит. Аҵара есымша ԥхьаҟа ицоит, иудыруазароуп аҿыцрақәа иалагалоу ртәы, насгьы хәыда-ԥсада иурҭоит, ҳарҵаҩцәа ирҳәеит адырра ҿыцқәа роур шырҭаху", - ҳәа азгәеиҭеит Мышәба.
Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
-
Мышәба Аусхкырацәатә коллеџь азы: ауаа рымаҵ аура знапы алаку рдыррақәа еизҳарҳар ҳалшоит
-
Мышәба: ҳҵараиурҭа иалго абжаҩык аусурҭатә ҭыԥқәа рыла еиқәшәоуп
