02:26 04 Нанҳәа 2020
Ишиашоу ицо аефир
  • USD74.16
  • EUR87.23

Бжьаниа: алшара дуқәа ҳамоуп ҳәа зҳәо исирбааит иарбан цоу ахьы зҭоу

Арадио
Икьаҿу ахьарԥш аиура
2920

Аԥсны ахада Аслан Бжьаниа имҩаԥигаз апресс-конференциаҿ иҳәеит иахьатәи аамҭазы анхаҩцәеи анаплакуааи аҳәынҭқарраҟынтә ироуа ацхыраара атәы.

Бжьаниа: алшара дуқәа ҳамоуп ҳәа зҳәо исирбааит иарбан цоу ахьы зҭоу

"Аҳәынҭқарра иалшо ала анаплакқәа ацхыраара рынаҭоит. Ақыҭақәа рҿы алшара змамыз рымхқәа хәыда-ԥсада ицәаӷәан, апты аҿагыларазы аԥара азоужьҭәуп, ацхыраара ҟалоит. Ашәахтәқәа зшәо рзы аҿҳәара аамҭа инахан, анаплакҩи анхаҩыи ацхыраара рыҭаразы иҳалшо аҟаҵара ҳаҿуп, аха ҳалшарақәа рацәам, имаҷуп. Убри зегьы еилыркаарц сҭахуп. Алшара дуқәа ҳамоуп ҳәа зҳәо исирбааит иарбан цоу ахьы зҭоу. Ус еиԥш иҟазар, изаманоуп, аха иҟаӡам. Аус аауроуп ҳхатә џьабаала, ақыҭаҿы, аҩны. Ҳхы ҳахәароуп. Ақалақь аҿы инхо зегьы ақыҭа змам уаҩ дыҟаӡам, адгьыл нап адыркыроуп. Уаҳа ԥсыхәа ыҟаӡам", - ҳәа азгәеиҭеит атәыла ахада.

Шәазыӡырҩы арадио Sputnik Аԥсны аефир.

Иара убас шәаԥхьар ҟалоит:

Ихадоу атемақәа