"Араионқәа хаз-хазы ишьҭаҳхыр, 20-30% рҟынӡа Гагра араион, Пицунда уҳәа аԥсшьарҭатә ҩнқәа харҭәаауп уҳәар алшоит. Аҳәаа иахысуа ауааԥысры рырбагақәа бзиазар, уи иаанагом дара зегьы ҳтәылаҟа ԥсшьара иаауеит ҳәа. Ари амчыбжь азы атуроператорцәа русура уадаҩхеит, избанзар аԥсшьаҩцәа заатәи рҿаҵатәқәеи аамҭеи еиқәылеит. Уи аилыргара аамҭа аҭаххеит. Гәдоуҭа араион ҳалацәажәозар, 10% иреиҳаӡам аԥсшьаҩцәа, Аҟәагьы ус уҳәар ҟалоит. Атурбизнес знапы алаку зегьы уажәоуп аусурақәа нап анадыркы, еилкаауп ауадаҩрақәа ыҟоуп, аха иагьа ус иҟазаргьы, атуроператорцәа аусура иаҿуп аԥсшьаҩцәа рхыԥхьаӡара иацларцаз. Уажәы Пицунда 150-ҩык инареиҳаны рыԥсы ршьоит, зынӡа 2600-ҩык рҭыԥ ахьыҟоу, уи зыхҟьазгьы атуроператорцәа русура макьана нап ахьдмыркыц ауп. Уажәы Гагра иҟоу асасааирҭақәа рҿы ауаа рыдаҳбало ҳалагеит, иазгәаумҭар залшом ауаа рхыԥхьаӡара ишацлаз", - ҳәа еиҭеиҳәеит Ахба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Амшынцқьеи аԥшӡарақәеи: атуристцәа Аԥсныҟа изаауа
