04:24 29 Абҵара 2020
Ишиашоу ицо аефир
  • USD75.86
  • EUR90.46

Џьопуа еиҭеиҳәеит Нхыҵ-Кавказтәи афедералтә университети Аԥсны академиеи русеицура атәы

Арадио
Икьаҿу ахьарԥш аиура
37 0 0

Аԥсны Аҭҵаарадыррақәа ракадемиа ахада, академик Зураб Џьапуа арадио Sputnik аҿы еиҭеиҳәеит Нхыҵ-Кавказтәи афедералтә университет аусзуҩцәеи иареи имҩаԥыргаз аиԥылараҿы излацәажәаз атәы.

Џьапуа еиҭеиҳәеит Нхыҵ-Кавказтәи афедералтә университети Аԥсны академиеи русеицура атәы

"Хықәкыс иҟоу акоуп – аибадырра, нас аусеицуроуп, еиуеиԥшым ацҳақәа ҳабжьаҵара. Аицәажәара анаҩс ҳазааит хазы игоу ауниверситетгьы академиагьы рыбжьара аиқәшаҳаҭра ҳабжьаҳҵарц. Аӡәырҩы ҳара ҳаспециалистцәа иара ауниверситет аҵарауааи аус еицыруеижьҭеи акрааҵуеит. Аиԥылара даара иԥханы имҩаԥысит, ҳаизааигәазтәуа амҩақәа ртәы ҳалацәажеит. Сара исҳәеит атехнологиа ҿыцқәа рзы Аԥсны агеографиатә ҭагылазаашьа зеиԥшроу ала, анаука аганахьала иамоу атрадициала ишалыршахоз ҳалшарақәа еиԥшьны џьара центрк ма институтк аԥҵара. Аҵарауаа иааз рыгәҭакқәа сгәаԥхеит, ҳаргьы ҳагәҭахәыцрақәа ртәы ҳҳәеит, ҳаиԥылара алҵшәа бзиақәа аанашьҭып ҳәа ҳгәыӷуеит", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ихадоу атемақәа