"Жәлар рпрезидент" ҳәа ззырҳәоз, Аԥсни Урыстәылеи еицырдыруаз ауаажәларратәи аполитикатәи усзуҩ, Адунеизегьтәи Аԥсуа-абаза жәлар рконгресс раԥхьатәи ахада Тарас Шамба 83 шықәса дшырҭагылаз иԥсҭазаара далҵит. Тарас Мирон-иԥа Шамба "Аԥсуа ҳәынҭқарра аҿиареи Кавказ ажәларқәа реидкылареи рҟны илшамҭа дуқәа рзы" ианашьан "Ахьӡ-Аԥша" аорден I аҩаӡара. Иахьа иара Абӷархәықә, иқыҭа гәакьаҿы, аҵыхәтәантәи имҩа дықәлоит.
"Тарас Мирон-иԥа ихцәажәара аҭахӡам, избанзар иҳәатәыз зегьы иара иҳәеит, иҟаҵатәыз зегь ҟаиҵеит. Сара ҳәа ихы цәырымгаӡакәа дызлахәымыз хҭыскгьы сгәалашәом Аԥсны. Иареи сареи 50 шықәса маҷк инацны ҳаиҩызцәан. Аӡәы дларҟәны иара иҽыҳараикуа акәымкәа, иара иҳаракыраҟынӡа ауаа хагаланы, даргьы акы иаԥсоушәа рбо иҟаиҵон. Уи аҩыза аҟазшьа иман. Акырџьара дызбахьан аурысцәа рыгәҭа, аҳәаанырцә аума, Европа зегьы ҳакәшеит адиаспора рымацара рҟны акәӡам, хахьнеиуаз атәылақәа рхаҭарнакцәа данрацәажәоз, акзаҵәык избоз - ишьыцуан, ари иеиԥш ауаҩы дызмоу ажәлар, ариаҟара апроблема зроурыз ҳәа ргәы иаанагозшәа сгәы исыҵанаҳәон", - иҳәеит Аламиа.
Шәазыӡырҩы аудио.
Иара убас шәаԥхьар ҟалоит:
-
Егзакь Тарас Шамба изы: иус ԥхьаҟа хымԥада иацаҳҵоит
-
Цыгәба Тарас Шамба изы: аԥсуаа иаҳзымдыруаз ҳирдырит, аԥсуаа ззымдыруаз идирдырит
