Микрофон  - Sputnik Аҧсны, 1920
Арадио

Цколиаԥҳа еиҭалҳәеит аԥкрақәа рырԥсыҽра анаҩс рхәыҷбаҳча аусура шеиҿкаахо атәы

© Foto / предоставила Аида Цколия Аида Цколия
Аида Цколия - Sputnik Аҧсны, 1920, 15.02.2021
Анапаҵаҩра
Аҟәатәи ахәыҷбаҳча "Ашьхыц" аиҳабы Аида Цколиаԥҳа арадио Sputnik аефир аҟны еиҭалҳәеит аԥкрақәа рнаҩс русура ахацыркра иахьынӡазыҟаҵоу, асанитар-епидемиологиатә ԥҟарақәа шынарыгӡало атәы.
Цколиаԥҳа еиҭалҳәеит аԥкрақәа рырԥсыҽра анаҩс рхәыҷбаҳча аусура шеиҿкаахо атәы

Жәабран 15 инаркны ирԥсыҽхоит акоронавирус аламырҵәаразы Аԥсны иалагалаз аԥкрақәа, уи азы аусԥҟа инапы аҵаҩит атәыла ахада. Азин ыҟоуп ахәыҷбаҳчақәеи ашколқәеи русура алагара, асанитар-гигиенатә шәагазагақәеи аԥҟарақәеи инарықәыршәаны.

"Аҭагылазаашьа агәабзиара аганахьала еиӷьхеит ҳәа азгәаҭаны иахьа ҳусура хацҳаркоуеит. Иахьазы ҳазхиоуп асанитартә ҳақьым хада ахәыҷбаҳчақәа русура аиҿкааразы лабжьгарақәа рынагӡара. Аҵара усбарҭа ҳаиқәдыршәеит арзҩыдаратә маҭәашьарқәа, асабрадақәа рыла. Ашьыжь асааҭ 8 рзы ҳанааиуа ахәыҷбаҳча аусзуҩцәа ргәаҭара, ршоура ашәара, рыԥсыԥ лагаҩагашьа аилкаара цоит. Амедицинатә журнал аҟны урҭқәа анаҳҵоит. Ахәыҷқәа рыдкылара еиҿкаауп асааҭ 9 рыбжазы. Ахәыҷбаҳча агәашә аҟны дгылоуп амедиаҳәшьа, ахәыҷқәа аӡәаӡәала ашҭа иҭалоит", - лҳәеит Цколиаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

Ажәабжьқәа зегьы
0