Кьахьыриԥа Гагратәи атехникум аҿы Урыстәыла аҵараиурҭа афилиал аартра ргәы ишҭоу иҳәеит

Грибоедов ихьӡ зху Жәларбжьаратәи азини аекономикеи ринститут аҟны атуризм ахырхарҭала Аԥснытәи абитуриентцәа разыҟаҵара азҵаара алшоны ирбоит ҳәа арадио Sputnik иазеиҭеиҳәахьан аинститут аректор ихаҭыԥуаҩ Николаи Королиов.

"Атехникум аартуижьҭеи 26 шықәса ҵуеит, ҳаушьҭымҭацәа 1500-ҩык иреиҳаны иҟоуп. Урҭ аус руеит Гагра, Гәдоуҭа араионқәа еиуеиԥшым анаплакқәа рҟны. Жәабран 21 рзы ҳаиқәшәеит Москватәи Грибоедов ихьӡ зху аекономикеи азинхьчареи ринститут аусзуҩцәеи ҳареи. Аусеицура ҳадыргалеит, аинститут афилиал атехникум аҟны аартра. Атуризм иадҳәалоу азанааҭқәа ҳтехникум аҟынгьы иҳамоуп… Ҳалацәажәеит арҭ азанааҭқәа ԥхьаҟа реизырҳара. Макьана шәҟәыла аиқәшаҳаҭра ҳабжьаҳамҵацт, ҳазыԥшуп", - иҳәеит Кьахьыриԥа.

Шәазыӡырҩы аудио.

Иара убас шәаԥхьар ҟалоит:

• Урыстәылатәи аҵараиурҭа азыхиоуп атуризм аганахьала аԥснытәи абитуриентцәа рыдкылара

• Делба Ростуризм аделегациеи иареи атуристтә усхкы арҿиара азҵаарақәа ирылацәажәеит